Friends gihapon

CEBU, Philippines — Gitataw ni  Marco Gallo nga  nagpadayon gihapon ang komunikasyon nila ni Juliana Gomez  bisan nagbuwag na sila. Ngayon ay may komunikasyon pa rin sa pagitan ng dalawa. “Ang alam ko magkaibigan kami at walang sisira sa pagkakaibigan namin. Siguro wala na po ‘yung pagka-sweet but that’s not the end of the world. I can still talk to her as a friend and tell her ‘yung mga problema ko,” suma pa ni Marco.

Nag-atubang og hagit

Gipasalida na sugod kagahapon ang pelikulang  “Time and Again” nga gibidahan nila ni  Winwyn Marquez ug Enzo Pineda.  Ang maong pelikula gidumala sa  Regal Entertainment. Nasayran nga padayon nga gipasalida sa mga sinehan ang pelikula nila ni Liza Soberano ug Enrique Gil nga Alone /Together   busa kini sa giatubang nga hagit sa  “Time and Again”.

Pasok sa “AnneKulit”

Nagpanikad na si Billy Crawford sa umaabot nga concert ni  Anne Curtis nga “AnneKulit”  sa Ontario, Canada karong March 16, 2019  gumikan kay siya ang special guest niini. Nasayran nga nagbaha ang mga Pinoy sa maong dapit.

Naka-kaon na gyud

Ang pizza maoy  gikaon ni Miriam Quiambao  pagkahuman niya og panganak sa miaging adlaw. Matud pa niya nga dugay na siya nga naghinamhiman sa maong pagkaon. Giingong naglikay siya sa maong pagkaon sa dihang nagsabak pa siya.

Dili scripted

Giklaro  sa kanhi housemate sa PBB Otso nga si Tori Garcia nga dili scripted ang maong reality show sa ABS-CBN.  Matud pa niya nga  natural lang gyud ang ilang gipakita nga batasan sulod sa PBB house  ug dili tinoud ang obserbasyon sa ubang tawo nga matud pa scripted kini.

Honeymoon giuswag

Giuna ni Iza Calzado ang pelikulang Pandanggo Sa Hukay kaysa sa honeymoon nila sa iyang bana nga si Ben Wintle. Nasayran nga nalakip sa Cinemalaya 2019 ang maong pelikula.  Gitataw sa aktres nga wala’y angayan nga dalian sa honeymoon. Ang labing importante nga nakasal na sila ni Ben.

Lima ka tuig

Lima ka tuig ang  exclusive contract nga gipirmahan ni  Coleen Garcia sa Viva Artists Agency sa miaging adlaw.   Naghinam-hinam na si Coleen sa mga proyekto nga  gihan-ay sa  Viva alang  kaniya.

Miangkon sa kasaypanan

Emosyonal ang kanhi “Pinoy Big Brother: Otso” housemate nga si Apey Obera sa pag-angkon sa iyang mga sayop nga binuhatan samtang naa pa siya kaniadto sulod sa  Balay  ni Kuya.  Kahinumdoman nga daghan ang naglagot kaniya gumikan kay  makiglalis  gyud kini sa iyang igsoun nga si Mark Obera . Giangkon niya nga dili gyud maayo ang iyang gibuhat og nakaamgo na siya niini.

Lauren magminaldita

Kontrabida ang role ni Lauren Young sa umaabot nga teleserye sa GMA nga Hiram Na Anak. Daog-daogon niya sa maong drama series mao sila si Yasmien Kurdi ug Empress Schuck.  Mosikad na karong February 25 ang Hiram Na Anak.

Nasaypan nga bayot

Giangkon ni Hero Angeles nga masaypan gyud siya nga bayot   sa ubang tawo gumikan sa seryeng  ‘Halik’ sa ABS-CBN.   Matud pa ni Hero nga nalingaw siya sa iyang role isip bayot sa maong serye.   Produkto si Hero sa unang batch sa Star Circle Quest.