Maymay gi-feature sa Vogue India

CEBU, Philippines — Human nilugwa sa  Dubai fashion magazine nga  XPEDITION dili pa lang dugay,  gi-feature napud ang Kapamilya star nga si Maymay Entrata sa sikat kaayo nga Vogue India isip modelo sa Pinoy designer  sa Dubai nga si Furne One.

Dili na gyud mabangbang ang modelling career sa aktres  sukad nikisaw ang iyang pangalan atol sa pagrampa  niya kaniadto sa Arab Fashion Week kun diin siya ang labing una nga Pinay nga nakarampa sa maong fashion show.

Una na nga gipadayag ni Maymay nga wala niya damha nga makasulod siya sa modelling world  sanglit kulang siya og experience.

Mapasalamaton siya sa tanang tawo nga nisuporta sa iyang gipangsudlan. Produkto si Maymay sa Pinoy Big Brother: Lucky 7 niadtong 2017.