Show ni Kiray naka

CEBU, Philippines — Naimbyerna og maayo si  Kiray  Celis sa usa ka producer sa usa niya ka out-of-town show  gumikan kay wala kini motuman sa pipila nila ka kasabotan.

Mao kini ang rason nga nakanselar og kalit ang maong show gumikan sa labad nga producer.

Matud pa ni Kiray  nilugwa na gyud unta siya doul sa venue sa show apan nagka-problema siya sa producer.  Nangayo og pasaylo  si Kiray sa iyang fans nga nag-atang kaniya. 

Pang-best actress

Gibutyag ni  Direk Yam Laranas nga makiangayon ra kung mapili nga best actress si  Anne Curtis sa  Metro Manila Film Festival 2018  gumikan sa hugyaw nga performance niini sa pelikulang Aurora.  Suma pa nga dili basta-basta ang lisod nga mga eksena ang giagian ni Anne alang sa maong pelikula.

Makauban ang pamilya

Malipayon si  JC Santos gumikan kay makauban niya karong Pasko ang iyang tibouk nga pamilya  sa  Pampanga.  Matud pa niya nga talagsaon ra gyud kini nga mahitabo tungod sa iyang ka-busy.  Matud pa ni JC nga nakapatukod na pud siya og kaugalingong balay nga nahimutang sa maong dapit.

Detective Conan gibalik

Gibalik sa  GMA-7 sukad  kagahapon sa buntag  ang pag-ere sa  sikat nga cartoon  series nga Detective Conan. Ang maong  programa nagtuki sa misteryosong  pagbiyahe ni Shinichi Kudo,  usa ka 17-anyos nga detective.

Pinoy films nagmadaogon

Tulo ka mga pasidungog  ang nadag-an sa Pinoy filmmakers  sa bag-ohay lang nga  Exground International Film Festival 31  didto sa Wiesbaden, Germany.Ang award-winning film nga Respeto ni Direk Alberto “Treb” Monteras II maoy nakalangkat sa youth jury award .Ang Women of Wiesbaden usab ni  Direk Jet Leyco maoy nakaangkon sa prestihiyosong Golden Gurke award. Samtang ang  Man of Pa-Aling (Manong ng Pa-Aling) ni E. del Mundo nakakuha og  special mention sa International Short Film Competition.

Robin isip Bato

Si Robin Padilla maoy modala sa karakter ni   former Philippine National Police Chief Ronaldo “Bato” dela Rosa  alang sa usa ka pelikula.  SiAdolf Alix Jr. maoy mogama niini   nga gibana-bana nga ipasalida sunod buwan.

Friends ra uy

Hugtanong gihimakak  ni Miguel Tanfelix ang taho nga matud pa duna sila’y relasyon ni  Kyline Alcantar. Matud pa ni Miguel  nga soud ra niya nga higala ang aktres busa dili kini angayan hatagan og malisya.

Gidayeg ni Coco

Nakadayeg si Coco Martin kang Maine Mendoza  gumikan kay wala kini daghang arte sa dihang gigama nila ang intimate scenes alang sa pelikulang Jak Em Popoy, The Pulis Credibles  nga entry sa Metro Manila Film Festival 2018.

Pinangga ang anak

Taod –taod na nga wala magtingog ang magsoung  Gretchen ug  Claudine Barretto. Apan daghan ang nagtoo nga posibleng mag-uli ang duha gumikan kay pinangga kaayo ni Claudine ang anak ni Gretchen nga si Dominique Cojuangco.   Napanglantawan nga si Dominique ang mahimong tulay aron magtingog ang iyang inahan ug iyaan.  Kahinumdoman niadtong  2013 nagsugod ang ilang away gumikan sa family issue.

Apohan na diay

Mapasigarbohong gibutyag  sa  45-anyos nga aktor nga si Jay Manalo nga naa na siya’y duha ka mga apo.  Mopahiyom lang ang aktor kung  dunay moingon kaniya nga  dili mailhan ang iyang dagway nga duna siya’y mga apo.

Deretso sa GGV

Tsika pa sa  TV host-actress nga si Anne Curtis nga na-enjoy gyud siya og maayo sa usa ka buwan nga  honeymoon nila ni  Erwan Heussaff sa South Africa.  Sa pagbalik niya dinhi sa Pilipinas  , gisugat siya ni Vice Ganda   ug gihimo siya og special guest sa “Gandang Gabi Vice.