Ayaw lagi ipugos

CEBU, Philippines — If you are a woman and is alert and able, nganong mupugos man jud ka’g sakay sa jeep bisa’g puno na, unya masuko ka’g walay mu give way nga gentleman aron makalingkod ka? Una, dili kay usa ray jeep sa kalibutan. Naay daghan. You just have to be patient. Ikaduha, Muingon ka nga nagdali ka, pwes magtaxi ka. Mutubag ka nga wakay kwarta, pwes musayo ka.

Ikatulo, equality man kaha? Women empowerment, independent? What man can do, women also can? Ang mga laki mukapyot man, so you kapyot too to celebrate equality and empowerment. Ikaupat, kon gikapoy na diay nang mga laki diha, i give up jud ilang lingkuranan? Mahagbong pa lang nuon, disgrasya ta. Ikalima, pareha ramo’g plite tanan. Girl, boy, bakla, tomboy.

Pero kun tiguwang ang musakay, that’s another story. No question. Just give up your seat. Mao na akong reaction human nakabasa atong nag-trending sa facebook niining bag-o lang kabahin sa us aka babaye didto sa kaulohan nga nilingkod sa pultahan sa jeep kay walay nihatag og lingkuranan niya. Unya, nasuko kay wala matud pay mga lalaki nga nitanyag og lingkuranan ngadto sa sama niya nga us aka babaye.

Ang pagka babaye maoy iyang gihimong rason nganong kinahanglan gyud siya nga hatagan og lingkuranan. Gipangutana siya sa pasahero kon PWD, mabdos o ba kaha senior citizen ba siya. Nitubag kini nga dili, apan babaye siya.

Personally, dili gyud ko mu-give-up sa akong lingkuranan para sa babaye. Kay saputon gyud ko nganong mupugos gyud og sakay bisa’g guot na. Kay mao lagi, naa man guy daghang jeep pa. Pero kun tiguwang ang mosakay unya wala nay bakante, andam kaayo ko nga mukapyot gyud. Lahi raman gud na og energy sila si lolo ug lola. And by the way nindot ang feeling sa mukapyot ha. It’s an adventure. Kanang muyaka sab ka sa pultahan sa jeep nindot man sab og feeling. Suwayi gud.

But really, kon walay mu-give-up sa ilang lingkuranan for you, ayaw kasuko. Wala manka pugsa og pasakay. Ikaw may nipugos og sakay bisan nakakita ka nga guot na daan ang sakyanan. Kana bitaw’ng makakita ko og pasahero nga inig tan-aw nila nga guot na kaayo, nya dili mudayon og sakay, mupakpak ko mentally.

Kay nganong mag-antos manka sa guot nga pareha raman na og plite tanan? Suma, discounted ba gud diay kon igo rang nakapatong imong sampot sa lingkuranan, unya inig hunong matagak ka, inig pakusog og dagan maniguro ka og balance? Di ba dili? Nganong lisud-lisuron man gyud nato atong kaugalingon nga dili man gyud na muingon ang driver nga sige libre na lang ka kay waman ka katarong og lingkod? Ang driver ug conductor baya mismo maoy mupugos og han-ok sa pasahero ha kay 10-10 gyud kunoy sulod sa kada side nga dili man managsama og body structure ang pasahero. Pakkk!

Have a blessed Sunday dear okRYANians!