CEBU, Philippines – Gikagubtan og maayo sa mga Pinoy niadtong Huwebes sa gabii sa dihang nakit-an gyud nila sa personal ang mga sakop sa Korean girl group nga Momoland sa Ninoy Aquino International Airport.
Giingong nakugang ang mga tawo nga tua sa airport niadtong higayona tungod kay wala nila damha ang pag-abot sa Momoland.
Giingong espesyal nga dinapit ang maong grupo sa usa ka “exclusive and private” nga event .
Ang mga sakop sa Momoland naglangkob nila ni Nancy, Ahin, Hyebin, Yeonwoo, Jane, Taeha, Nayun, Daisy ug Jooe.
Ang maong grupo maoy nagpasikat sa awit nga Bboom Bboom, Baam, Wonderful Love, Freeze ug uban pa.