Music Hero misulbong na
CEBU, Philippines — Hingpit na gyud nga sudlan sa garbo nga pop band sa Eat Bulaga nga Music Hero ang local music scene pinaagi sa debut single niini nga "Walang Papalit".
Gipalanog dili pa lang dugay ang “Walang Papalit” sa maong longest-running noontime variety program sa nasud.
Nagtuki ang maong kanta sa gugma, napakyas nga relasyon ug ang subling pag-angkon og kalipay.
"This is a relatable song because, one way or another, we all experienced love and heartbreak. Through this song, we want them to feel that there’s always a second chance at love,” suma pa sa vocalist niini nga si Manly Ocampo.
Nalakip usab sa hugyaw nga musika sa "Walang Papalit" mao sila si Radlee Laquian (acoustic guitar), Fender Dimalanta (electric guitar), Joaquin Rodrigo (drums), Jim Tan ug RD Benavides (keyboards), JayR Corre (bass), Brian Feliciano (saxophone) ug Dominique Casacop (violin).
Nagikan sa nagkalain-laing dapit sa nasud ang maong grupo busa nigamit gyud og dakong oras ang pagmugna sa ilang awit.
"Because we came from different places and we have different backgrounds, we had to go back and forth on what kind of music we want to produce and offer the audience," dugang pa ni Manly.
Ang nag-inusarang babaye sa grupo nga si Dominique (violinist) nipadayag nga proud kaayo siya sa iyang grupo puros kini gilangkoban og talented nga mga indibidwal.
"Among the hundreds who auditioned, it's already a blessing that we are all chosen to be part of this group. I'm used to playing with an orchestra and it's a big adjustment to be part of a pop band, but I like that we are all challenged to think outside the box and make full use of our own instruments,” suma pa ni Dominique.
Dako og utang kabubut-on ang Music Hero sa Eat Bulaga gumikan kay mao gyud kini ang naghulma kanila.
Ma- download ang “Walang Papalit” sa Spotify, iTunes, Apple Music ug uban pa nga digital platforms.
- Latest