Santa Fe, In My Mind

Second time na nako sa Santa, Fe Bantayan Island adtong June 5-9 maong mas na-explore nako ang lugar. It’s a beautiful place. Nindot sab og gawi ang mga tawo. Hinagad. Mapahiyumon. Maayo og pamatasan. Ganahan kaayo ko kay mura ra sab ko’g naa sa akong yutang natawhan, ang Pilar, Camotes.

First two days namo kay sa Beach Placid mi nag-istar courtesy of the tag-iya mismo, si Maam Joan Pasasadaba Nepangue. Nindot ang mga rooms. Limpyo. Hamugaway. Nindot sab ilang beach. Daghang cabana nga kapasilungan. Maayo kaayo ilang customer service. Tanang staff kay courteous gyud.  Beach Placid is being packaged as a family resort. It’s good for family bonding. Ilang room rate kay between P2,700 and P3,500. Paspas ang wifi sa ilang bar and restaurant. Call: 09177222993  for reservation. Pakpak!

Nag-dinner mi sa Cou Cou Bar. Naa silay mga cabana sa atubangan nga bahin, nindot magyaka-yaka didto. But at that time kay naa man toy weather disturbance so we opted nga sa sulod lang mi mupahiluna. Gisilbihan mi’g baked scallops, tinolang pugapo, grilled nokus, escabeche and kalamares. Dagko ug daghan ilang serving uy nya lima ra mi kabuok mukaon. Pwes, wala nahurot. Bet na bet kaayo nako ang escabeche, scallops ug nokus. Lami kaayo. I was told lami sab sila og halo-halo but wala name kay busog na kaayo and tugnaw sab. (Call: 0324389385 for reservation and inquiry).

Then we went to MJ Square nga gipanag-iya sab ni Maam Joan. Entertainment center ni siya sa Santa Fe. Naay mga kan-anan, convenience store, karaoke bar and imnanan. Sa Liquido Bar mi nagpahiluna. Dexter the bartender and manager gave me “Yolanda”. Lami siya. Nine ingredients ang gi-mix. Wala ra man sab ko nahubog. Hahaha. Basta mangita ka’g kalingawan or ganahan lang gyud mag-chill, MJ Square is the place to be in Santa Fe! Pakpak

Pagka ugma didto mi sa La Playa Estrella Beach Resort nag-lunch. Lami kaayo ilang food sab didto. Paborito gyud nako kaayo ang pansit ug escabeche. Nindot sab ang ambience sa La Playa. Daghang mga lubi. Hamugaway imong pamati basta naa ka didto. Bugnaw ang hoyohoy sa hangin. Very relaxing. Kon ganahan ka og lami gyud ang food in a very relaxing ambience, choose La Playa. (Call: 09177232197, for reservation and inquiry).

The next day, we transferred to Jelly’s Haven. Nindot sab kaayo ilang rooms. Three years in operation pa ni nga resort and I think usa ni sa mga bag-o didto and hugyaw kaayo. Medyo pricey ilang room rates but sulit kaayo. With class and elegance. Hinanok gyud imong pagkatulog. Puti ug pino daw pulbos ang balas dinhi. Kon maghisgot og food, kalamares, lambay, bam-I ug sisig maoy ordera kay garantisadong lami. Sa mga fitness buff, bag-o ra gibuksan ilang gym diin libre ra nga mugamit ang guests. Daghan pang instagram spots sa Jelly’s Haven and pwede sab mo mag-volleyball. (Call: 09274402092, for reservation and inquiry).

Thank you, Santa Fe! Magbalikbalik gyud kami. Salamat sab sa pamilya ni Jaypee Lao nga maoy niatiman namo pag-abot namo didto gyud gidalitan mi og lamian nga pamahaw. Sa pamilya sab ni kanhi Sexbomb member Donna Veleganio nga gipapamahaw sab mi—lami kaayo ang pritong buwad danggit. Thank you sab Yaga’s Eatery sa lamian nga pamahaw. Winner ang monggos uy! Sa akong bag-ong friend nga si Nedy nga very accommodating, sa akong kumare nga si Katrina Kowalik ug kang Lala Ribo nga maoy nag-provide sa akong attire sa MARKado online show and to Jerry for my makeup. Salamat sab nila Tess ug Ann sa La Playa; Ms. Jelly Anciano sa Jelly’s Haven; Riezel Geiran of Cou Cou Bar; and of course Maam Joan of Beach Placid.

Buwag na?

Buwag na si Jolo Revilla ug Jodi Sta. Maria human sa walo ka tuig nga relasyon? Mao kini pangutana sa mga netizen human nakakita sa birthday greetings ni Jolo kagahapon alang sa aktres diin “Jods” na lang ang iyang gitawag niini. Suma pa sa mga netizens nga “asawa” or “my love” matud pa ang tawag ni Jolo kang Jodi. Naglibog sab sila nganong ang IG post sa bise gobernador kabahin og, “letting go” ug ‘acceptance.”

Ako jud?

Nikisikisi si Bela Padilla sa pasangil sa usa ka netizen nga “bad influence” siya ngadto kang Maris Racal kay sukad matud pa sila nagkahigala, nausab na ang batasan sa nahisgutan. Suma pa ni Bela nga dili matud pa sila kanunay magkuyog ni Maris, ug niadtong nagkauban sila, igo ra sila nga nag-workout. Si Maris usab matud pa ang mangumusta niya ug dili siya.

Depensa ni Mama

Gidepensahan ni Teresa Loyzaga ang iyang anak nga si Diego batok sa pasangil nga gipatiran niini bisa’g walay igong rason ang usa ka Grab car hinungdan nga naguba ang bumper sa sakyanan. Matud pa ni Teresa, sayup ang driver ug diriyot pa nadisgrasya ang iyang anak gumikan sa gibuhat sa driver apan wala siya mudetalye niini. Kasamtangang gidukiduki sa mga polis ang maong hitabo didto sa kauluhan kagahapon.

Non-showbiz lagi

Gihimakak ni Bea Benene nga si Alden Richards ang iyang special someone. Nagsugod kini dihang nag-upload siya og hulagway sa pungpong sa mga rosas nga gigunitan sa usa ka lalaki nga wala makita ang nawong. Niingon ang mga netizen nga si Alden Richards kini base sa relo nga gisul-ob sa maong lalaki. Apan matud ni Bea, non-showbiz ang iyang special someone.

Engaged na

Engaged na si Bb. Pilipinas Intercontinental Karen Gallman ngadto sa iyang Australian boyfriend nga si Ian Garton. Si Gallman mismo maoy nagpahibawo niini sa nilabay nga adlaw. Duha ka semana na silang engage. Si Gallman ang ikaduha nga Bb. Pilipinas winner nga engaged na. Ang una mao si Jehza Mae Huelar ngadto sa basketbolista nga si Peter Simon. Si Karen ug Jehza musangka pa lang sa ilang masig ka international pageant.