Inday nagmadaugon sa unang gabii

CEBU, Philippines – Mainitong  gihangop sa publiko ang bag-ong serye sa GMA-7 nga Inday Will Always Love You.

Suma pa sa Nielsen Philippines TAM’s National Urban Philippines data sa AGB, ang maong serye nakalangkat og 42%  nga rating sa pilot episode niini niadtong Lunes sa gabii, May 21.

Ang maong serye gibidahan nila ni  Barbie Forteza, Ricky Davao, Manilyn Reynes,  Gladys Reyes, Tina Paner, Juancho Trivino, Super Tekla ug Kim Rodriguez.

Ang kaatbang niini nga    Since I Found You (ABS-CBN) nga gibidahan nila ni  Piolo Pascual ug  Arci Munoz, nakakuha lang og  34.8% .

Nagpasabot kini nga ang maong  Kapuso show nakabaton og TV rating nga nilabaw og  7.2 points tali sa kaatbang niini nga Kapamilya show.

Pipila sa mga eksena sa Inday Will Always Love You   gi-shoot sa nagkadaiyang tourist spots dinhi sa Sugbo.