Wala mabakante
Special guest si John Estrada sa umaabot nga episode sa Celebrity Bluff sa GMA 7. Nagsagunson ang guestings ni John sa GMA sukad kini nibiya sa ABS-CBN sa miaging buwan.
Shode pressure
Tsika pa ni LJ Reyes nga dili siya angayan ma-pressure sa mga tawong mangutana kung kanus-a sila magpakasal sa iyang boyfriend nga si Paolo Contis. Matud pa niya nga na-enjoy ra siya kang Paolo ug wala pa sila naghisgot sa maong butang.
Naglikay sa social media
Wala’y plano si Maricel Soriano nga mogama og iyang social media account gumikan kay dili siya ganahan mobasa og mga negatibong mensahe. Malinawon matud pa ang iyang kinabuhi ug dili siya ganahan nga matandog kini tungod sa social media.
I Love You Hater
Nagtangag sa working title nga I Love You Hater ang upcoming movie nila ni Kris Aquino, Joshua Garcia ug Julia Barretto sa Star Cinema. Gisugdan na ang shooting niini niadtong Miyerkules.
Posibleng mag-uli
Gibutyag ni Sunshine Dizon nga dunay posibilidad nga magkabalik sila ni Timothy Tan. Nasayran nga dili gyud pakyason ni Timothy ang school activities sa ilang anak hinungdan nga maayo ang panagtinagdanay nila sa aktres.
Hanap na?
Murag hanap pa ang posibilidad nga madayon ang pelikula nila ni Alden Richards ug Maine Mendoza . Giingong wala pa gyud mahisgoti og balik ang maong proyekto. Padayon lang gihapon nga makita ang duha sa noon time show nga Eat Bulaga.
Pang-hapon
Ibutang sa pang-hapon nga timeslot ang serye ni Julie Anne San Jose nga My Guitar Princess. Magsugod kini karong Mayo 7 isip hulip sa seryeng Ang Forever Ko’y Ikaw .
Pasuwayon sa GMA
Giangkon ni Jaclyn Jose nga iyang gihagad ang iyang anak nga si Andi Eigenmann nga mobalhin sa GMA-7. Giagad ra hinuon ni Jaclyn ang desisyon sa iyang anak ug dili niya kini pugson.
Nalingaw sa pagka-single
Gitataw ni Shaina Magdayao nga single siya karong panahona ug nag-enjoy ra siya sa kasamtangan niya nga istado. Nagpasabot kini nga dili tinuod ang report nga matud pa nagkasinabtanay na sila ni Piolo Pascual.
Nalingaw sa bata
Wala pa’y plano si Kaye Abad nga mobalik sa showbiz gumikan kay nalingaw gyud siya pagbantay sa anak nila ni Paul Jake Castillo nga si Pio Joaqin. Target sa magtiayon nga pun-an nila ang ilang anak.
- Latest