Midayeg sa leading lady

Nakadayeg si Dingdong Dantes sa kapares niya sa pelikulang “Sid and Aya (Not A Love Story)” nga si Anne Curtis gumikan kay malipayon kini kanunay ug gihulagway niya nga wala gyud mahupas ang maayong abilidad niini sa pag-arte. Nagsugod na ang shooting sa maong pelikula. Pipila sa mga eksena niini gi-shoot didto sa Tokyo, Japan.

Nalipong sa set

Hapit nakuyapan si Precious Lara Quigaman sa set sa ABS-CBN primetime series nga “Bagani” sa miaging adlaw. Giingong resulta lang kini sa iyang pagsabak.  Kanunay matud pa malipong si Precious.

Eskwela maoy unahon

Dili ipadayon sa anak ni Jericho Rosales nga si Santino ang plano niini nga mag-artista.  Gusto sa anak ni Echo nga mo-focus sa pag-eskwela.

Pag-arte ang gipil

Madawat na unta si Makisig Morales sa restaurant nga iyang giaplayan didto sa Australia apan wala siya madayon niini  gumikan sa seryeng Bagani sa ABS-CBN.  Suma pa sa aktor nga anugon kaayo ang maayong opurtunidad  nga  gitanyag sa ABS-CBN kaniya.

Kaupat nag-ilis

Kaupat diay ka higayon nga nag-ilis og gown si Pia Wurtzbach sa coronation night sa Binibining Pilipinas 2018 niadtong Domingo.  Si Pia maoy host sa maong indigay kauban ang aktor nga si Richard Guttierez.

Gi-career ang pagka-direktor

Gawas sa mga music video, gikuha na usab karon si John Prats isip direktor sa mga concert.  Siya ang gikuhang direktor sa umaabot nga concert ni K Brosas sunod buwan.  Direktor usab siya sa concert ni Richard Poon karong May.

Next month na!

Sunod buwan  matud pa kaslon sila si Rachelle Ann  Go ug Martin Spies. Wala  pa gidetalye  ni Rachelle Ann  ang  venue sa  maong okasyon.  Nalingaw pag-ayo ang singer sa umaabot niya nga bana gumikan kay nagkat-on na kini og luto og chicken adobo.

Gidawat sa pamilya

Welcome kaayo sa pamilya ni Rocco Nacino ang girlfriend sa aktor nga si Melissa Gohing. Nasayran nga lima pa lang ka buwan ang relasyon nila ni Rocco ug Melissa.

Respeto lang

Nanawagan si Liz Uy sa publiko nga respitohon ang iyang privacy. Una na nga giangkon ni Liz nga  duna na siya’y anak.

Lahi ra gyud!

Dul-an na sa upat ka tuig nga single si Katrina Halili ug nag-enjoy siya og maayo niini. Matud pa ni Katrina nga lahi ra gyud kon single ka gumikan kay wala’y magbuot sa  imong buhaton ug wala pa gyu’y mokawat sa imong oras. Prayoridad karon ni Katrina ang iyang anak ug ang karera niya sa showbiz.

MYX VJ’s nag-reunion

Nag-reunion sa miaging gabii ang former MYX VJs nga sila si Luis Manzano, Iya Villania, Nikki Gil, Chino Lui Pio, ug  Bianca Roque-Brander. Gi-post ni Luis ang ilang hulagway ug duna kini caption nga, “MYX will forever be [love].”

Tony nagkugi

Giangkon ni Tony Labrusca nga sa wala pa siya nisulod sa showbiz world,  nitrabaho siya kaniadto isip  salesman ug cashier. Kinahanglan matud pa ang pagkugi ilabi na nga magsaka ang edad sa tawo.