Opening salvo
CEBU, Philippines — Ang pelikula nila ni Judy Ann Santos ug Angelica Panganiban nga “Ang Dalawang Mrs. Reyes” maoy opening salvo sa Star Cinema karong 2018.“Hindi ko alam kung ano ang magiging reaction ng mga tao pero confident ako na magiging maganda ang pelikula. Confident ako that it’s a very funny film. Ang gandang opening salvo nito para sa lahat na salubungin ang 2018 na masaya lang. Walang drama,” saysay pa ni Juday ngadto sa ABS-CBN News.
Mibakasyon lang
Gibutyag ni Vic Sotto nga nibakasyon lang si Maine Mendoza ug dili tinuod ang nitumaw nga tsismis nga matud pa nasuspenso ang aktres sa Eat Bulaga. Kahinumdoman nga niulbo ang maong taho human sa open letter ni Maine nga nagsaysay nga wala na siya kauyon sa mga tawong kanunay modiktar kaniya.
Mahalon nga singsing
Nitumaw ang tsika nga minilyon ang kantidad sa gidungog nga engagement ring nila ni John Lloyd Cruz ug Ellen Adarna. Hagbay ra nga gidungog nga nagplano ang duha nga magpakasal dinhi sa Sugbo.
Okay ra man
Wala’y problema alang kang Luis Manzano nga gihulipan siya ni Toni Gonzaga isip usa sa mga host sa bag-ong season sa Pilipinas Got Talent. Suma pa sa TV host nga higala niya si Toni ug kauban ra pud sila sa usa ka network busa dili kini isyu alang kaniya.
Nagtupad gyud
Nahimuot pag-ayo si Anne Curtis sa dihang nakakita siya nga nagtupad ang mga billboard nila sa iyang bana nga si Erwan Heussaff didto sa EDSA. Nakaingon si Anne nga pareson gyud sila ni Erwan bisan asa sila ibutang.
Nagaras ang paa
Nakabaton og garas ang paa ni Maja Salvador . Giingong resulta kini sa nagkagrabe niya nga mga eksena sa seryeng Wildflower sa ABS-CBN. Komedya pa ni Maja, matabonan ra sa make-up ang maong mga garas.
Big concert
Aduna’y big concert nga pagahimoon si Sarah Geronimo sunod tuig. Matud pa nga gisugdan na ang pasiunang production meeting niini sa miaging adlaw. Kahinumdoman nga puros nagmalampuson ang mga nangagi nga concert ni Sarah.
Bangs nanganak na
Gihimugso na ni Bangs Garcia ang labing una nga anak nila sa iyang Filipino-British husband nga si Lloydi Birchmore. Nanganak siya niadtong Martes didto sa London ug usa kini ka babaye nga ginganlan og Amelia.
'Contessa'.
Sila si Glaiza de Castro , Gabby ug Geoff Eigenmann ang mga bitoon sa upcoming series sa GMA-7 nga 'Contessa'. Mao kini ang labing una nga higayon nga mag-uban sila sa usa ka proyekto.
Gusto mag-uban og balik
Pangandoy sa mag-uyoan nga sila si Robin Padilla ug Daniel Padilla nga mag-uban og balik sa pelikula. Katapusang nag-uban ang duha sa pelikulang "Bonifacio: Ang Unang Pangulo" nga nisalmot sa Metro Manila Film Festival niadtong 2014.
PBB Teens nag-reunion
Human sa 11 ka tuig, nagkatapok og balik ang mga produkto sa first season sa Pinoy Big Brother: Teen Edition .
Nag-reunion ang maong grupo sa miaging adlaw ug nitambong niini mao sila si Kim Chiu, Jamilla Obispo, Olyn Membian, Nina Jose, Fred Payawan, Joaqui Mendoza ug Mikki Arceo.
Ang Pinoy Big Brother: Teen Edition 1st season gipasalida niadtong April 2006 sa ABS-CBN. Si Kim maoy Big Winner sa maong edition. (BANAT NEWS)
- Latest