Rayna Gyud!

Sanden: Hello mga kabanatanay! Nagmaya gyud ang mga Pinoy ilabi na sa mga mahiligon kaayo og mga indigay sa kaanyag, gumikan kay nagmadaugon gyud ang atong nasud sa bag-ohay lang mga international pageant. Sa miaging adlaw nahimong first runner-up si Nelda Ibe sa Miss Globe 2017. Pagkasunod adlaw, nidaug ang lain nato nga pambato nga si Karen Ibasco sa Miss Earth 2017 nga gipahigayon sa Mall of Asia Arena niadtong Sabado sa gabii. Labaw sa tanan, nakadaog ang gisaway kaniadto ni Kumareng Jaypee nga si Wynwin Marquez sa Reina Hispanoamericana 2017 nga gipahigayon didto sa Sta Cruz, Bolivia. Grabeha sa mga Pinay uy, tang-an gyud kaayo kun maghisgot og mga indigay. Napalaw si hampaslupa Jaypee kinsa nilenggua nga wala’y kahayag nga nagpaabot kang  Winwyn sa pageant. .

Yuri: Haluuuuu, kumusta na man mo,   get well soon diay kang beshie Jaypee .  Sa miaging gabii, gabaha sa akong  newsfeed ang kadaogan ni Karen sa  Miss Earth 2017 , unya daghan kaayong mga hinampak  nga murag mga gwapa gi-bash dayon ang winner.  Siyempre  duna pu’y nanaway sa kadaogan ni WinWyn ug usa na niana si Kumareng Jaypee nga nagbabaw ang nawong.

Sanden:   Mga kahigalaan, maglisod pa og tubag si Kumareng Jaypee sa atong kukabildo karon gumikan kay nayayay intawn siya. Pero  nakabasa ko sa iyang post sa social media, ug napalaw gyud siya sa pagtamay-tamay niya kaniadto kang Winwyn.Get well soon beshie, pag-rest sa diha. Bahalag wala ka, mohirit gyud ko nga wala mosaler ang pagyaga-yaga nimo kang Winwyn sa una.  Kahibalo na baya ka sa ubang mga Pinay, pahilom-hilom lang, pero inigrampa sa entablado, makugang lang ka kay mosidlak gyud . Ikaw sad  Tita Yurs, kon dunay manaway sa winners, pasagdi lang na sila. Wala kay katungod nga mo-react kay ilaha sad nang obserbasyon.

Yuri: Kitang duha ang mag-engkwentro karon Sanden. Paminaw diha, daghan ang pangutana karon  kun  nakatsamba ra ba na sila maong  nakadaog. Si  WynWyn ba kay kulang kuwang sa height. Gi -backdoor sa Binibing Pilipinas, kalit lang nakadaog. Uso na ba diay ang dili ana kaguwapa? Hahahahaha! Naa pud baya ni punto ang mga bashers uy. Kon  mao na ang standards, puwes daghan na mangapil sa mga beauty contest puhon.  Ang Miss Earth, dili daw ana pud ka hamis. Bitaw sad uy, gitan -aw nako,  dili kaayo maka- amaze ang ilang beauty. Samot na si WynWyn, helllooooo dili baya ko gwapahan niya gyud.   Ma -make up o wala, mas daghan pang mas gwapa sa mall nga naglakaw- lakaw.

Sanden: Hala Tita Yurs, natakdan na ka sa pagkababaon ni Jaypee? Huwag ka na man magsalita ng ganyan. Pag-una, best in react ka  sa bashers, unya utro sad diay ka nga nanaway sa winners. Ang labing importante nga ni-shine ang atong pambato, ug gipakita gyud nila ang ilang best aron lang gyud makahatag sila og garbo sa atong nasud.

Yuri:  Yes, mao lagi na given na man nang naghatag sila og pride pero akong point, naa pa man mas deserving nila intawon  uy. Daghan pa intawon ang angayan nga maoy mosul-ob sa korona.  Wala lang gyud nahatagan og tsansa. Labaw sa tanan, wala silay connection, murag rainbow connection.  Si Win Wyn, ang background artista , good dancer  ug  not a best actress.   Sure ko, daghan pud lig-on nga kontra niya.

Sanden :  Paghilom diha, dapat molaban  ta sa atong pambato. Kahibalo ka Tita Yurs, daghan kaayo ang giagian ni Winwyn para lang gyud makab-ot ang iyang pangandoy nga mahimong beauty queen. Naa siya’y hitsura , unya maayo pa gyud ang pagkatubag niya sa Q and A. Mura man ka’g nabuta  ug nabungol  uy, nagbuwabuwa lang nang baba nimo.

Yuri:  Sanden ako lang gipakita ang possibilities ngano.  Yes, tanan naay daghan giagian aron lang gyud  makab-ot  ang iyang  target,  mas advantage siya kay naa siya’y tiya nga beauty queen, artista ang mama ug papa.  Asa siya dapit naglisod? Hahaha. Sanden akong point lang gyud,  mas daghan pang gwapa anang Miss Earth ug Miss Wail nga gidag-an  ni Winwyn. Ang kang Winwyn kay first in history pa na siya,  murag dili pa man sad kaayo ingon ana kasikat ang giapilan niya nga pageant.

Sanden:  Ni-strong lage ka besh? Ikaw man gud kon makalait sa atong mga pambato, wagas kaayo.  Lahi-lahi man ta og panan-aw, ang dili guwapa para nimo, guwapa sa uban.   Kun maka-react, parang wala nang bukas.  Sige na uy, husto na Tita Yurs, relax na diha, dili jud baya ko guwapahan nimo. Ang ato ani, ato lang iampo ang ubang pambato sa nasud nga motigi sa upcoming pageants, sama kang Mariel de Leon alang sa Ms. International karong November 14. Naa usab si Laura Lehmann alang sa Miss World 2017 karong November 18. Siyempre motigi sa Miss Universe karong November 27 mao si Rachael Peters. Nagpanikad na usab si Ilene de Vera alang sa Ms. Asia Pacific International 2017. Sa hinapos nga bahin karong buwana. Grabeha sa Nobiyembre uy, buwan gyud siya sa mga prestihiyosong indigay. Akong balikon, get well soon Kumareng Jaypee.

Alang sa inyong mga komento, ipadala lang kana sa 09192422676, ug imantala ang inyong mensahe sa “Akong Banat”  sa Kalandrakas section sa umaabot nga mga adlaw.  Butangi sa inyong pangalan ug address. (BANAT NEWS)