Sinulog Idol Monday

She’s On Mission

CEBU, Philippines - “Talents are gifts that must be shared to the rest of society, you are free to show it no matter what gender,race, religion or social status you have”, pulong pa sa usa mga tingog sa LGBT community nga si  Kristie Bedua.

Giangkon niya nga  ang pag-isa sa mabulukong bandila sa sa LGBT pinaagi sa pagpakita sa mga nagkadaiyang talento ang buot niya nga pamatud-an.

Buot ug tumong niya nga wala'y ipalabi sa mga  tawhanong katungod gumikan kay managsama ra ang atong baruganan ug wala'y bisan kinsa ang makapausab sa maong balaud.

Nanghinaut usab siya nga dawaton ang mga sama niya og sekswalidad gumikan kay dili makompleto ang kalibutan kun  wala ang ilang hugpong nga maoy usa sa mga moatiman sa mga kalingawan nga idalit alang sa mga tawo.

Wala hinuon siya makasinati nga isalikway gumikan sa iyang sekswalidad apan maluoy siya sa iyang mga kauban nga makasinati sa maong sitwasyon. Mao nga gusto niya nga mahimong inspirasyon ngadto sa uban nga sayop ang maong pagsalikway ug babagan ang ilang pagsidlak dinhi sa atong komunidad.

“Sometimes the basis of being rejected is the way you present yourself to anyone, mao na ako careful sa panul-ubon, di mo kanta og mga songs nga makahatag og rason nga makataw-an sa mga tawo. Mao kung mahimo lang, be decent always”, padayag pa ni Kristie.

Nagdakong malipayon si Kristie sa poder sa iyang pamilya. Mapasalamaton siya gumikan kay wala magkuwang ang iyang ginikanan sa pagmahal kaniya. Mapasalamaton siya  gumikan kay gidawat ang iyang pagkatawo  ug gimatuto hangtud nga nilampos  siya sa iyang kurso nga Bachelor of Science in Business Administration Major in Marketing Management sa University of Cebu.

Dako usab siya og respeto sa mga tawo mao nga gitugbangan usab siya og respeto gikan sa mga tawo nga nakapalibot kaniya. Gani, daghan ang malingaw kaniya tungod sa mga buhian niya nga mga komedya ilabi na kung magtapok-tapok sila sa iyang mga higala.

Karon nga hingpit na gyud siya nga nakadawat sa iyang diploma, gusto na niya nga ipadayon ang iyang misyon nga mamahimong imahe sa kadaghanan nga ipakita gyud ang mga gasa sa Kahitas-an sa bisan unsa nga pamaagi.

Una niya nga gipakita mao ang iyang talento sa pagkanta. Nakasalmot na siya og mga nagkadaiyang kompetisyon dinhi sa Sugbo sukad nga nagpangidaron og 11 anyos. Saysay pa niya nga bahala og nauwaw siya atong tungura basta makatabang lang siya og ginagmay sa mga gastuhan sa iyang pamilya.

Mahimuot usab siya nga makahunahuna sa dihang gipukaw siya og kalit sa iyang amahan aron paapilon og barangay singing contest. “Pagaw ug kapoy kaayo ko gikan sa  klase, purya buyag, naka-place pa jud intawn ato ay. Laban kaayo!”

Usa sa rason nga  nisalmot siya sa Sinulog Idol mao nga buot niya masinati ang makapasundayag atubangan sa kinabag-an. Dugang pa niya nga gusto niya nga mahimong parte sa pamilya mao nga gipaninguhaan gyud niya nga maapil sa panon.

Dakong kalipay usab niya nga init ang pagdawat kaniya sa mga kadagkoan sa  Sinulog .

“Out of 106 auditionees, 6 boys ug 6 girls ra dapat kuhaon. Of course na shock ko kay nasulod ko. Lipay sab gyud kaayo ko kay instead nga i-group ko sa laki, giapil ko sa mga babaye. So mahulog gyud 7 na ka mga laki na unta to noh?, “komedya pa niya.

Mapasalamaton usab siya gumikan kay  aduna siya’y daghang natigom nga pagtulun-an.

 “It's not always about winning the competition, being professional in any aspect really matters most. Usa sad, sa pila ka years nakong wala nakahilak, gipahilak gyud ko’g tinud-anay. It’s actually a training para sa emotion sa singer like example kung mokanta og masulob-on, dapat masulob-on sad gyud. If happy ang song, dapat smiling and happy sad ang singer”, suma pa niya.

Andam na usab siya nga ipabuhagay ngadto sa uban ang iyang mga nakat-unan pinaagi sa pagpasundayag sa mga events gikan sa imbitasyon sa Sinulog Idol bisan og busy siya sa iyang trabaho isip usa sa momaniho sa bar sa iyang mga maguwang nga sila si Francis ug Genevieve Bedua.

Damgo usab niya nga magtukod og kaugalingong negosyo sama sa beauty salon, music studio, ug uban pa nga makaya sa iyang mga gahom.

Name: Kristie Young Bedua

Nickname: Kristie

Address: Pasil, Cebu City

Hobbies: Singing, Dancesport, Volleyball

Favorite Foods: Pasta, Fresh Lumpia, Ngoihong

Height: 5'7”

Weight: 72kgs.

Favorite Song: Secret Love Song

Favorite Singers: Beyonce, John Legend

Favorite movie: Fast and Furious

Favorite Artists: Joseph Marco and Maja Salvador

Favorite Beauty Queen: Miriam Quiambao

Motto: Live life like there's no tomorrow because tomorrow is never promised.

Titles/Achievements in Life

-National Dancesport Awardee

-Jollibee Singing Contest Champion

-Marketing Graduate

-Queen of Cebu/ Queen Philippines Finalist

QandA

BNH: Unsa ang imong laing kaagi sa kinabuhi mao nga gipaningkamutan nimo nga dili na nimo masinati pag-usab?

KRISTIE:  Ang pagsinati og tumang kalisod sa pagbata nako nga naabot sa punto nga kan-on ug ketchup nalang ang kaonon.

BNH: Giunsa nimo pag-cope up imong mga naagian nga kalisud sa kinabuhi?

KRISTIE: I know nga every struggle will be considered as a challenge and usahay problem but I always believe that God is always there to guide me, so I just weigh best options/solutions and then analyze & choose the right one. Problem Solved!

BNH: Unsa ang imong message sa tanang mga tawo nga misalig nimo sa imong pag-apil sa Sinulog Idol?

KRISTIE: I'm thankful that they have seen and appreciate the gift I shared to them, hope they would continue hearing and trusting aspiring singers.

Photos by: Britz Briones

HMUAP: Jinjing Manching House of Beauty