Happy Sunday mga KaBisChika! Happy kaayo ang inyong Yur's truly kay niaging Domingo natagaan ko og higayon nga makaapil og Lenten Recollection pinaagi sa Lingkod ng Panginoon –Mactan. Mao kini ang akong usa sa mga activity sa akong Road Map to Lenten Season. Ikaduha kini nako nga higayon ug akong nabitbit si sir Marc Daniel sa maong lenten recollection nga bisan sa iyang ka busy sa trabaho nakahatag siya og oras. Si Ate Fatima nga taga Tisa, Labangon ang among facilitator ug makaingon ko nga nakahatag siya og dakong impact kanako. Ang mga realizations nako sa kinabuhi, ang mga pangutana nako sa akong kaugalingon gitubag sa maong activity. Mao nga every time nga dunay activity ang Lingkod ng Panginoon Mactan kun libre ang akong schedule mo-present gyud ko. Mao nang mga KaBisChika karung Semana Santa, hinay hinay lang ug panahon kini sa pamalandong... the throwback.
Pagkasunod adlaw, kauban silang Tita Eser, Mark ug Anthony kabahin gihapon sa akong Road Map to Lenten Season nangadto kami sa Simala – Lindogon. Mura’g adventure goals sa among grupo kay dapat mag bus lang mi. Unya bitbit ang mga balon para didto na maniudto pagkahuman mo-attend og healing mass. Magpasalamat kay Mama Mary sa mga grasya nga among nadawat ug mangayo og tabang sa mga problema nga among naagian. Praising Mama Mary pinaagi sa mga kanta ug pag- ampo kay gipanguluhan kini sa mga monks, musunod dayon ang misa.
Human sa among paniudto, apil sa among checklist ang paghapit sa Shrine ni Archbishop Teofilo Camomot hilabi na nga nisaad ko nga mobalik human sa iyang adlaw natawhan. Naabtan namo ang usa ka misa, pagkahuman kay didto mi sa iyang museo, niluhod ug nag ampo.
Kinsa siya????
NaHugyaw ko sa BisChika sa atong Kinsa Siya Insider kabahin sa usa ka sikat nga aktres nga gitangtangan og product endorsement kay ang nahitabo gusto na unta sa owner sa maong produkto nga makig-meeting sa sikat nga aktres para istoryahan ang concept sa shooting ug uban pa. NaHugyaw ang secretary sa owner sa dihang nakontak niya ang manager sa aktres ug gitubag lang kini og: Sabi ni (name sa aktres) maghintay lang daw kun kailan siya gusto kausapin! Bang! Niulbo ang kaspa sa tag- iya ug ni lenggua kini og i-cancel ang kanyang endorsement! Di ba, hugyaw?
Hangtud karun basta mag-meeting ang kumpanya unya sa conference room naa ang hulagway sa mga artista nga endorser sa produkto mahisgutan gyud ang sikat nga aktres! Kinsa Siya? Gikasal, Nagmabdos, Nanganak ug maghimo pa og teleserye! Mao na siya! Hahahahaha.