CEBU, Philippines – Kung maghisgot og mga Pinoy, dili gyud mabangbang ang paghatag og dungog niini sa atong nasud pinaagi sa mga kompetisyon didto sa laing nasud.
Sayaw, kanta, indigay o ba kaha sa natad sa pelikula, mabatayagan gyud kini sa laing nasud hinungdang ubay-ubay napud ka international awards ang nalangkat sa atong nasud gumikan sa ka talented sa mga Pinoy.
Ang Babaeng Humayo
Naangkon sa pelikulang Ang Babaeng Humayo (The Woman Who Left) ni Direk Lav Diaz ang Golden Lion award sa 2016 Venice Film Festival niadtong September didto sa Italy. Sila si Charo Santos ug John Lloyd Cruz maoy pipila sa mga bida sa maong pelikula. Mao usab kini ang magsilbi nga comeback project ni Charo. “My head is spinning right now it’s unbelievable. This is for my country, for the Filipino, for the struggle of humanity. Thank you,” tipik sa acceptance speech ni Direk Lav.
Dennis Trillo
Si Dennis maoy labing una nga Filipino recipient sa Asian Star Prize sa Seoul International Drama Awards 2016. Nitikang gyud sa Korea ang aktor uban sa iyang manager nga si Popoy Caritativo aron personal nga madawat ang award niini niadtong September. “I would like to thank the Seoul International Drama Awards for this award and recognition. This is very special to me because it was given by the Korean people who are very well known in creating the best dramas in the world. In the Philippines, we also do our best and try to create quality programs for the Filipino audience, and this award will continue to inspire me in honing my craft as a dramatic actor. I would also like to share this award with my home network GMA 7, to my family, my loved ones, to all the Filipinos and all my supporters. Thank you very much,” suma pa sa Instagram post sa aktor.
Jaclyn Jose sa Ma’ Rosa
Niadtong Mayo, napili nga best actress sa 69th Cannes Film Festival sa France ang beteranang aktres nga si Jaclyn Jose gumikan sa maayo niya nga performance sa pelikulang Ma’Rosa. Kauban sa aktres ang anak nga si Andi Eigenmann ug ang award winning director nga si Brillante Mendoza sa pagsaka sa stage. Emosyonal ang maong aktres sa paghatag og speech sa iyang pagkadaog sa maong award.
“I’m at a loss for words! I am so surprised and moved. Thank you from the bottom of my heart to all the Jury members. I thank the director Brillante Mendoza, whose instructions I simply followed,” suma pa ni Jaclyn.
Maratabat
Nagmadaugon ang Pinoy indie film nga “Maratabat” o Pride and Honor sa People’s Film Festival didto sa New York niadtong Hunyo. Mao kini ang napili nga Best International Film for Full Length Feature sa maong film festival nga gipahigayon sa Julia de Burgos Performing Arts Center sa New York City sa miaging adlaw.Ang journalist nga si Arlyn Dela Cruz maoy nagama sa maong indie film.Nalakip sa Maratabat mao sila si Peng Medina, Elizabeth Oropesa, ug Julio Diaz.
“1st Sem”
Nakadaog ang Pinoy film nga “1st Sem” sa 2nd All Lights India International Film Festival (ALIIFF) didto sa Hyderabad, India niadtong September.Gibidahan nila ni Lotlot de Leon ug Darwin Yu ang “1st Sem” ug gidumala kini sa mga first-time director nga sila si Dexter Hemedez ug Allan Ibanez. Nakadaog ang maong pelikula sa kategoryang International Competition For Feature Films For Debut Directors. Gawas niini, nakadawat pud og Special Acting Citation si Lotlot nga nidala isip inahan sa 1st Sem. Si Lotlot lang ang nag-inusarang artista nga gihatagan sa maong klase nga award sa maong film festival.
Pamilya Ordinaryo
Human nakadaog sa London East Asia Film Festival sa United Kingdom, nakadawat na pud og laing rekognasyon ang Pinoy film nga “Pamilya Ordinaryo” sa Hanoi International Film Festival didto sa Vietnam niadtong November. Ang direktor niini nga si Eduardo Roy Jr. maoy napili nga Best Director , samtang napili usab nga Best Actress ang lead star niini nga si Hasmine Killip. Ang Award-winning actress nga si Iza Calzado maoy usa sa mga hurado sa maong kompetisyon ug kauban niya ang Hollywood actress Geraldine Chaplin, Indian filmmaker Adoor Gopalakrishnan ug Vietnamese director Dao Ba Son.
Paolo Ballesteros
Dili gyud magpa-bangbang ang abilidad sa pag-arte ni Paolo Ballestros. Tungod sa pelikulang Die Beautiful, nakadawat si Paulo og international acting awards. Siya ang napili nga best actor sa 2016 Tokyo International Film Festival didto sa Japan niadtong Nobiyembre. Pag-abot sa Disyembre, naangkon usab ni Paolo ang Special Jury Prize award sa Kerala International Film Festival didto sa India gumikan gihapon sa maayo niya nga performance sa Die Beautiful. Ang maong pelikula maoy usa sa mga entry sa Metro Manila Film Festival 2016.
Kylie Versoza
Ang pambato sa Pilipinas nga si Kylie Versoza maoy napili nga Miss International 2016 nga gipahigayon didto sa Tokyo, Japan niadtong October. Todo pasalamat si Kylie sa tanang support nga iyang nadawat gikan sa mga Pinoy. “If I become Miss International 2016, I will devote myself to cultural understanding and international understanding because I believe that it is in developing in each of us sensitivity to other cultures that we expand our horizons, tolerate difference and appreciate diversity,” tipik sa speech ni Kylie sa pasiunang bahin sa maong indigay.
Nicole Cordoves
Nakoronahan isip first runner-up ang pambato sa Pilipinas nga si Nicole Cordoves sa bag-ohay lang Miss Grand International 2016. Gipahigayon ang indigay sa Westgate International Theater, sa Las Vegas, Nevada, USA niadtong October. Tulo na ka higayon nakasulod sa Top 5 ang mga pambato sa Pilipinas sa upat ka tuig nga pagpahigayon sa maong indigay .
Nichole Manalo
Niadtong Nobiyembre, napili nga third-runner up sa Miss Globe 2016 nga gipahigayon sa Tirana, Albania. Sa maong coronation night, wala dayon madeklara ang pangalan ni Nichole apan pagkasunod adlaw, kalit nga giusab sa Miss Globe Organization ang resulta sa Miss Globe 2016 kung diin gideklara nila si Nichole isip third runner-up. Giingong wala dayon nabasa sa mga host sa maong indigay ang unod sa envelop maong nauwahi ang deklarasyon ni Nichole.
Catriona Gray
Nakatungtong sa Top 5 ang pambato sa Pilipinas nga si Catriona Gray sa Miss World 2016 nga gipahigayon sa MGM National Harbor sa Oxon Hill, Maryland, USA. Pipila ka netizens ang nahibulong og maayo sa resulta kay unta maayo man ang pagkatubag ni Catriona atol sa Q and A portion. Atol sa pagtubag ni Catriona, niabiba gyud ang mga tawo ug ang pangutana nagkanayon, “Which qualities do you think it will take to wear my crown?”Nitubag si Catriona og, “I think, first of all, it takes bravery. To be a Miss World is to carry a burning torch, it is the action carried out by one to illuminate the lives of many and I would dedicate my whole self, my love for the arts, and my voice to try and uplift, empower, and educate people. And it would be my greatest honor and duty to hold this torch high enough so that all the world could feel and see its light.”