CEBU, Philippines - Emosyonal ang Kapamilya star nga si Anne Curtis sa dihang gidawat niya ang painting nga gikan sa iyang fan nga bata nga si Aedan Malvar kinsa dunay gihambin nga cancer. Mapasalamaton ang maong fan nga nigahin kaniya og oras ang iyang idolo.
Sugdan na
Sugdan na karong semanaha ang taping sa umaabot nga serye nila ni Nadine Lustre ug James Reid nga Till I Met You. Masaligon gihapon ang duha nga dili sila biyaan sa ilang fans.
Tambag ni Kuya
Hingpit na gyud nga gisudlan sa igsuon ni Coco Martin nga si Ron Martin ang acting world. Nalakip si Ron sa mga indie film nga Tuos ug Pamilya Ordinaryo. Nitambag si Coco sa iyang manghod nga dili kini mosundog kaniya nga nagpa-sexy kaniadto sa mga indie film.
Ganahan na makaanak
Nagpa-sexy og balik si Pauleen Luna ug tataw kaayo kini sa mga hulagway niya sa Instagram. Giingong ganahan na gyud nga makaanak si Pauleen alang sa unang liwat nila ni Vic Sotto.
Kean nalingaw sa role
Nalingaw ra si Kean Cipriano sa iyang role nga gay fashion designer sa pelikulang That Thing Called Tanga Na sa Regal Entertainment. Gitun-an matud pa niya ang iyang role hinungdan nga nabuhat ra niya og tarong ang iyang trabaho.
Coleen gidayeg
Napuno sa mga pagdayeg gikan sa viewers ang performance ni Coleen Garcia sa ‘Maalaala Mo Kaya’ niadtong Sabado sa gabii. Gidala sa aktres ang role sa babaye nga duna’y deperensya sa panghunahuna nga resulta sa dautang bisyo.
Proud sa anak
Malipayon matud pa si Jose Manalo gumikan kay padulong na mahimong doktor ang iyang anak nga si Myki Manalo busa proud siya niini. Pagkakaron, kontento na si Jose sa dagan sa iyang kinabuhi ilabi na karon nga naglawig ang iyang showbiz career.
SP nangayo og sorry
Nangayo og pasaylo sa kapulisan ang mga nagdumala sa Sunday PinaSaya . Kalabot kini sa ilang episode niadtong June 26 kung diin nasayop og sul-ob ang uniporme sa pulis.
KC kever sa hinawayon
Wala panumbalinga ni KC Concepcion ang mga tawong dili uyon sa relasyon nila ni Aly Borromeo. Suma pa sa aktres nga malipayon sila sa usa’g-usa kever ra siya sa reaksyon sa iyang mga kritiko.
Lovi magpabilin sa GMA-7
Gikatahong mo-renew si Lovi Poe sa GMA-7 busa dili tinuod ang report kaniadto nga matud pa mobalhin siya og laing network. Nagpanikad na gani ang aktres sa umaabot niya nga serye nga Someone to Watch Over Me kun diin makauban niya si Tom Rodriguez.