CEBU, Philippines - Gikumpirmar ni ABS-CBN chief content officer Charo Santos-Concio nga molugwa siya sa pelikula nga gigama sa award winning director nga si Lav Diaz .
Ang maong direktor nitanyag kang Charo human sa kadaugan niini sa 2016 Berlin Film Festival alang sa pelikulang “Hele sa Hiwagang Hapis” .
Nag-ulohan og Ang Babaeng Humayo ang pelikula nga gibidahan ni Charo ug grabe ang iyang kalipay gumikan kay nakabalik na gyud siya sa pag-arte.
Katapusang nilugwa si Charo sa pelikulang “Alfredo Lim: Batas ng Maynila” niadtong 1995.
“Nung bumalik ako sabi ko it’s nice to be back on the field. It’s nice to see it naman from the perspective of a person facing the cameras. Iba naman ang challenge kasi you breathe life to the character. Instead of looking at the logistics, production requirements, cash flows, pagtatrabahuhan mo naman ang character mo. Aalamin mo, kikilalanin mo siya at bibigyang buhay mo siya,” saysay pa niya ngadto sa ABS-CBN News.
Dakong garbo alang kang Charo nga makauban si Direk Lav sa usa ka proyekto ug wala gyud siya nagduhaduha sa pagdawat sa dihang gitanyag kaniya ang maong proyekto.
“I was so honored to have been approached by the Lav Diaz. I didn’t even think twice about it after I read the material. I had a discussion with him about the character, his expectations. I also discussed my apprehensions. I told him, ‘I feel so scared but at the same time excited so it must be the right feeling,” dugang pa niya.
Dili pa hinuon matino ni Charo kung full time na ba o dili ang pagbalik niya sa pag-arte gumikan kay nag-agad ra siya sa dagan sa panahon.
Wala pa panganli kung kinsa nga mga artista ang kauban ni Charo sa Ang Babaeng Humayo nga malakip sa Cinema One Film Festival 2016. Ibutyag ra ni Direk Lav ang kinatibuk-ang detalye sa pelikula karong Hulyo.