CEBU, Philippines - Nag-post si Jessy Mendiola sa iyang instagram account nga ikatulo ka adlaw na sukad siya nag-praktis og pole dancing. Nakapahugyaw kini sa mga netizens kun nganu iya kining gibuhat.Ang mga comments nag-ingon nga para kini preparasyon sa FHM 100 sexiest apan gisundan kini sa dalaga og sunod nga post ug nag-ingon nga look-test para sa iyang sunod nga pelikula.
Wa gidawat
Gibutyag ni Denise Laurel nga adunay gi-offer niya nga project apan wala pa siya nakadesisyon kun iya kining dawaton.Gitataw sa actress nga mature ra kaayo ang maong proyekto ug dili pa siya andam niini.
Nangayo og pag-ampo
Usa ka masulub-on nga balita ang niabot kang Liza Soberano hinungdan nga ni tweet ang maong actress ug nangayo og pag-ampo para sa iyang otso anyos nga fan nga nipanaw. Adunay usa ka hangyo ang fan ug mao kini ang makita si Liza sa personal.Giplano sa actress ang pagduaw sa bata karong adlawa apan nipanaw na kini niadtong Miyerkules.
Adunay problema
Gikompirmar ni Boy Abunda sa iyang show nga adunay problema ang magtiayon nga Melason, basi sa iyang kasaligan nga source. Sukwahi kini sa gibutyag ni Jason Francisco nga okay kaayo sila sa iyang asawa nga si Melai Cantiveros.” Ayon sa mga mapagkakatiwalaang sources, nagkakaron daw ng problema si Melai at Jason and isa ako dun sa malulungkot na tao, kung magkakahiwalay si Melai at si Jason, dahil sa marami nilang pinagdaanan to be able to save this relationship. Kung nasaan man yung masaya nilang pagsasama ay marami silang pinagdaanang sakripisyo, your love should be bigger than your problems and for as long as there is love fight for it,” saysay sa host.
Angayan ba mag-judge?
Gikwestyon ni Sef Cadayona ang iyang kaugalingon kun aduna na ba siya’y katakos mo judge sa lain komedyante nga apil sa bag-ong game show sa GMA. “First time kong maging judge sa isang contest, at sana naman, may kabuluhan ang mga sasabihin ko at nawa’y makinig sila at sundin ang magiging payo sa kanila,”saysay sa actor.
Dili lisod
Gibutyag ni Ina Raymundo nga dili kum-plikado ang magpabiling himsog taliwa sa panlantaw sa kadaghanan. Zumba ug workout ka lima sa usa ka semana ang iyang gibuhat.