Aldub gidumog

CEBU, Philippines - Gidumog ang phenomenal loveteam nga sila  Alden Richards ug Maine Mendoza sa dihang naabot kini sa   Malpensa Airport sa Milan, Italy. Wala palabya sa Aldub Nation Italy chapter ang higayon nga makita ang ilang mga idolo. Gipatuman ang hugot nga seguridad alang sa duha.

Ganahan mag -beauty queen

Gipadayag sa aktres nga si Sunshine Cruz nga ganahan mag- beauty queen ang iyang tulo ka mga babaye nga anak nga sila  Angelina, Sam ug Chesca. Suportado kini ni Sunshine tungod kay maayo ra usab ang performance niini sa eskwelahan. “Whatever you want in life, I will always support you. But you have to just finish your studies kasi puro honor students,” suma pa ni Sunshine.

Miniwang pag-ayo

Nabalaka ang supporters ni Miss Universe 2016 Pia Wurtzbach sa bag-ong gi- post niini sa Instagram nga litrato kung diin makita ang lawas sa beauty queen nga nasobraan na  kadaot. Matud sa usa ka concerned netizen nga ni-post og comment sa   Instagram ni Pia nihangyo kini nga unta bantayan sa Ms.Universe ang iyang kaugalingong  lawas  aron  mobalik ang nindot nga figure niini.

Ketchup gisuwerte

Mapasalamaton ang komedyanteng aktor  nga si Ketchup Eusibio sa mga nagsagunson niya nga proyekto karong tuiga. Naapil si Ketchup isip  bestfriend ni Jhon Lloyd sa hit movie karon sa Star Cinema nga Just The 3 of Us ,  apil  usab ang aktor sa pelikula  nila ni Derek Ramsay ug Shaina Magdayo  nga  My Candidate . Aduna’y   umaabot nga proyekto si Ketchup  sa Cinemalaya kung diin makauban niya si  Janus Del Prado .

Regalo ni Kathryn

Niregalo og usa ka elegante nga rose si Kathryn Bernardo sa mama ni Daniel Padilla nga si Karla Estrada  niadtong  Mother’s day. Nipakita si Karla sa iyang pagpasalamat ngadto kang Kathryn pinaagi sa iyang Instagram post . Giingong mahalon ang maong klase nga buwak.  “Thank you my dear Kathryn for this beautiful rose from floristeria.. Love it!!” suma pa ni Karla.

Sang’gres mibisita

Nibisita sa bag-ong morning show ni Marian Rivera nga Yan Ang Morning ang mga sang’gres sa Encantadia nga sila Kylie Padilla, Glyza De Castro, Gabbi Garcia ug Sanya Lopez. Sa maong show nahisgotan nila ang tradisyonal o modernong pagpangulitawo sa mga lalake .

Anak ug apo ang prayoridad

Wala na’ y plano  nga magminyo ang award winning actress nga si Lorna Tolentino sukad kini ma byuda sa iyang bana nga si Rudy Fernandez sa milabay nga walo ka tuig. Malipayon na karon ang aktres sa iyang mga anak nga sila si Ralph ug Renz   ug  sa iyang apo nga si Lyla.

Showdown in Manila

Nag -shoot sa iyang ikaduhang  Hollywood movie ang aktres nga si Iza Calzado, Nag-ulohan kini  og  “Showdown in Manila” ug ubos  kini sa direksyon ni  Mark Dacascos. Mapasalamaton ang aktres sa maayong opurtunidad nga iyang nadawat.

Vin ug Sam magpares

Magpares sa unang higayon ang sexy actress Sam Pinto ug  hunk actor nga si Vin Abrenica sa usa ka episode sa Wattpad , ang  Confessions of a Fashion Blogger.  Na-challenge  ang duha ka artista  sa maong proyekto gumikan kay duna dayon sila’y  kissing scene.

Favorite scene

Gikilig nga nitug-an sa iyang favorite scene  ang Kapuso actor nga si Kristoffer Martin sa  seryeng Because Of You. Matud pa sa  aktor  nga ganahan gyud siya sa eksena  nga  nipuyo si Cheska (Joyce Ching) sa iyang panimalay. “Yong pumunta si Cheska sa bahay ko tapos doon siya tumira,” suma pa ni Kristoffer. —(FREEMAN)