Single & Happy
Anden Miles (Banat) - November 7, 2015 - 9:00am

CEBU, Philippines – Dakong sayop ang panultion sa ubang tawo nga puwerting mingawa sa kinabuhi kung wala’y uyab.

Makalingaw ang pagka-single ug kinahanglan nga i-enjoy ang kinabuhi samtang nakatungtong ka niini nga sitwasyon.

Pipila kanato aduna’y nagkalain-laing rason kung nganong  gipili nato nga mahimo ta nga single ug ipadaplin una ang kahigayonan nga makabaton og uyab.

Sa ginaingon pa, dili pangitaon ang uyab, gumikan kay makit-an ug mopatim-aw ra gyud kini sa wala damha nga panahon.

Dili makiangayon nga magmaoy kung wala ka’y uyab, seguro oras na kini nga pahimuslan nimo ang panahon sa imong pagka-single gumikan kay nagbukas kini og mga maayong opurtunidad.

Unsa ma’y angay nga dalian maabot ra lagi ang tawo alang kanimo. Paglingaw-lingaw lang usa samtang single pa ka.

Namantala sa www.bodyandsoul.com  ang mga kaayohan nga imong maangkon kung ikaw single karong panahona. Kini naglangkob sa:

•  Makabaton ka og igong panahon sa pag-ila ila og maayo sa imong kaugalingon, ug makahibalo kung unsa gyud ang imong gipangita. 

•    Lapad ang panahon nga mabuhat ang mga butang nga makapalingaw kanimo . Kalas og oras kung magsige ka og pangita og uyab.  Daghan ang butang nga imong malabyan kung mogahin ka og oras sa dili importanteng butang.

•   Makahigayon ka sa pagpanamin sa imong mga nakat-onan sa nangagi nimo nga lovelife.  Aduna na ka’y igong basehanan sa higayon nga andam na ka mosulod og relasyon gumikan kay naleksyon na man ka sa imong mga kaagi.  Ayaw una og sulod og bag-ong relasyon kung wala pa maalim ang nagsakit nimo nga dughan nga gibilin sa imong kanhi hinigugma.

•    Igong panahon sa pagama og listahan sa mga kalidad sa tawo nga gusto nimong mauyab sa umaabot nga panahon.

•   Makapanukad ka og sakto kung duna’y tawo nga kalit lang mopapitik sa imong kasing-kasing.

•   Makauban sa pagpanuroy sa imong mga higala.

•   Makaila-ila pa ka og daghang tawo.

ACIRC ADUNA ANG AYAW CENT DAGHAN IMONG KUNG MGA NBSP NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with