Ehpoy Caballero: Maayo pa'g si Robert na lang

Again, before anything else, belated birthday greetings to the very handsome and talented son of Sir Ehpoy Caballero, Robert Caballero. Ulitawo na kaayo, pero ambot duna na ba'y girlfriend. Nag-birthday si Robert gahapon. Busa, mihatag gyod og birthday gift  ang iyang uncle ug auntie nga si Talisay City Councilor Danny ug Mam Peanut Caballero. Of course, hasta ang mga cousins ni Robert. Mitambong pod ang gwapo ug labing batan-ong konsehal sa Talisay City, Hon. Alden Diaz, nga kung tan-awon, susama ra gyo'g pangidaron ni Robert.

Siyempre, giintriga na pod si Sir Ehpoy. Wala ba kuono siya masina ni Sir Danny. Hangod karon, wa pa ba gyod siya makahunahuna sa pagsulod sa politika? . Sila si Sir Danny ug Hon. Alden Diaz, kanunayng giinterbiyo sa media, busa anaa kanunay sa mga pamantalaan ug makita kanunay sa telebisyon, ug madungog kanunay sa radyo, labi na karong panahon sa mga nasinati nga katalagman sa tibook nasod.

"Ayaw lang lagi una ko'g hisgoti og politika. Kay ang naa sa akong hunahuna karon, mao ang project nako kon mahuman na ang among beach resort diha sa Pooc, dinhi sa Talisay City. Dugay na ni namong gipangandoy ni brod Danny. Nga duna gyo'y dako, nindot ug hamugaway nga kasak-an sa mga turista nga manganhi sa Talisay, nga dili na kinahanglang moadto sa Siyudad sa Sugbo aron mag-overnight. Hinaot nga mao na ni ang katumanan sa among damgo. Ug kon mahuman na ni, butangan gyod nako'g production outfit, aron ipadayon ang paghimo og mga project alang sa telebisyon. Atong kompletohon ang maong project, aron dili na ta mahasol. Maayo tingali, si Robert na lang maoy atong pasalmoton sa politika, nga mosunod sa tunob ni Brod Danny," nagkanayon si Sir Ehpoy Caballero.