CEBU, Philippines — Eala miabante sa ikatulong hugna
Ang Pinay tennis sensation nga si Alex Eala miangkon og luna sa ikatulong hugna sa Cincinnati Open.
Kini human ang kontra niyang si Elena-Gabriela Ruse sa Romania miretiro samtang nalangan ang duwa tungod sa dili maayong panahon.
Ang world No.20 nga si Eala naglabaw sa iskor nga 6-1, 3-0 sa dihang si Ruse nakahukom nga dili na motiwas human nahatagan og medikal nga atensyon sa tuo niyang tiil sa wala pa giundang ang duwa didto sa Lindner Family Tennis Center sa Mason, Ohio tungod sa makusog nga pagbunok sa uwan.
Si Eala, usa ka sumosulbong nga bitoon nga misakmit sa labing una niyang WTA title didto sa Washington sa miaging bulan, makigharong sunod batok ni Amanda Anisimova.
Ang Amerikanang 9th seed miabante human gitagak si Zeynep Sonmez 6-2, 6-3.
Sa gihapon, ang world No.20 nga si Eala nakakuha og makabungog nga suporta gikan sa iyang mga kababayan nga nagpanon sa binyu sama sa nahitabo sa dihang mikumbati siya sa Canadian Open sa miaging semana.