CEBU, Philippines — Dunay posibilidad nga magka-uban sila si Jordan Clarkson ug Justin Brownlee sa Gilas Pilipinas sa umaabot nga FIBA World Cup 2023 karong Agosto.
Mao kini ang gipadayag ni PBA chairman Ricky Vargas, nga usa sab sa mga haligi sa Samahang Basketbol ng Pilipinas (SBP) nga maoy nagduma sa mga kalihukan sa Gilas.
“It is Clarkson and Brownlee. It is ‘and not or,’ and it’s worth trying,” matud pa ni Vargas kabahin sa iyang tinguha nga magkuyog silang Clarkson ug Brownlee sa Gilas. Si Vargas nagkanayon nga mao kini ang ilang ilakad sa International Basketball Federation (FIBA) uban ang panghinaut nga mahatagan sila og pabor isip usa sa mga hosts sa World Cup uban ang Japan ug Indonesia.
Tungod kay nadesisyonan naman sa FIBA si Clarkson nga usa ka naturalized player bisan og aduna kini dugo nga Pinoy, si Vargas malaumon nga si Brownlee tugotan nga makaduwa isip usa ka regular player sa Gilas.
“He’s played the most part of his professional life in the Philippines. May heritage na, nandito na yung pamilya nya, baka pwede na siyang ma-consider na regular player and not a naturalized,” batabt pa ni Vargas.
Kon ma-aprobahan sa FIBA, hayan nga ang Gilas makabunlot nilang Clarkson ug Brownlee aron pangulohan ang kampanya sa Gilas sa gikahinaman nga World Cup diin ilang makabangga ang world No. 10 Italy, No. 23 Dominican Republic ug No. 41 Angola sa Group A.
“Dapat pag-aralan na nila ng husto yung kalaban sa group play. Ibuhos na nila attention nila doon,” dason pa ni Vargas.
Sa iyang bahin, si Gilas coach Chot Reyes naglantaw nga mopahigayon og training camps ug tuneup matches alang sa Gilas gawas sa nasud. Apil sa ilang plano mao ang pagduwa og pocket tournament didto sa Lithuania ug ingon man sa Amerika diin buot nilang banggaon ang mga teams sa US NCAA Division 1.
“I think if we come in with the game that we brought in in 2014, it’s not gonna be enough. We have to be much, much better. And I hope that from now to then, we can find a way to really become a much better team,” pasabot pa ni Reyes.
“We’re not picking the best talent, we’re picking the best team. We are putting a 'best team' together. We’re not putting together a group of superstars. We want to pick the best team possible,” dugang pa ni Reyes.