CEBU, Philippines — Gisuspenso sa Boston Celtics ang head coach nilang si Ime Udoka sa tibuok 2022-23 NBA season.
"A decision about his future with the Celtics beyond this season will be made at a later date," matud pa sa Celtics sa usa ka opisyal nga pamahayag. "The suspension takes effect immediately."
Wala hinoon gipadayag sa Celtics kon unsay nahimong sayop ni Udoka sa ilang mga palisiya.
Apan gitaho sa ESPN ug The Athletic nga ang 45-anyos nga si Udoka nakigrelasyon sa usa ka babayeng miyembro sa Celtics staff nga usa ka dakong kalapasan sa mga lagda sa Boston franchise.
Ang silot, nga maoy labing sakit nga gipahamtang batok sa usa ka NBA head coach, naabot samtang ang Celtics nangandam alang sa ilang pre-season training camp nga magsugod na sunod semana. Sa iyang bahin, si Udoka namahayag nga iyang gidawat ang desisyon sa Celtics. "I want to apologize to our players, fans, the entire Celtics organization, and my family for letting them down. I am sorry for putting the team in this difficult situation, and I accept the team's decision," dason pa niya.