MANILA, Philippines — Hindi lamang sa basketball malapit ang puso ni Philippine Sports Commission (PSC) chairman Noli Eala, kundi maging sa volleyball.
Nagkasundo ang PSC at ang Philippine National Volleyball Federation (PNVF) na tutukan ang nationwide grassroots program ng sport.
Ang kasunduan ay pinagtibay nina Eala at PNVF president Ramon “Tats” Suzara kasama si Secretary General Don Caringal sa isang courtesy visit.
Suportado rin ni PSC Commissioner Olivia “Bong” Coo ang nasabing agreement.
Si Eala ang nag-organisa sa hosting ng isang leg ng International Volleyball Federation Grand Prix, ngayon ay Volleyball Nations League, noong 2002.
Inialok ni Suzara ang annual Champions League ng PNVF na tututok rin sa mga LGU-based teams at ang pagkakabilang ng volleyball event sa taunang Batang Pinoy ng sports agency.