^

Banat Palaro

2nd Hinulawan Toledo chessfest kasado na

Emmanuel B. Villaruel - Banat

CEBU, Philippines — Kapin sa P100,000 nga ganting salapi ang iapud-apud sa mga mananaog sa 2nd Hinulawan Toledo Joyful Inter-Cities and Municipalties Chess Tournament karong Mayo 28-29 didto sa Toledo City Sports Center.

 Giorganisa sa Toledo City Trojans inabagan sa Xignex Digital Solutions,ang duha ka adlaw nga torneyo naglangkob og Tatluhan ug Kiddies category.

Ang Tatluhan alang sa 13 anyos pataas nga mga players ug dunay average rating nga 2000 sa National Chess Federation of the Philippines (NCFP) samtang ang alang sa 12-under age group.

Ang makampiyon sa Tatluhan mobulsa og P25,000 samtang ang mopahiluna sa ikaduha ngadto sa ikalimang dapit makadawat og P20,000, P15,000, P10,000 ug P5,000. Ang 6th to 10th dunay P3,000 matag usa.

Mokubra og P2,000 nga insentibo ang tulo ka board medalists samtang ang top lady team mokabi og P6,000.

Sa laing bahin, ang manghawod sa Kiddies division mobitbit og P5,000 samtang ang malandig sa ikaduha ngadto sa ikalimang puwesto mo-angkon og P4,000, P3,000, P2,000, ug P1,000. Ang 6th ngadto sa 10th ug ang top lady player dunay P500 matag usa.

Alang sa dugang impormasyon, mahimong mokontak ni chief arbiter FA Felix Poloyapoy, Jr. (0956-3568682) ug Trojans team captain Bonn Rainauld Tibod (0943-4537810). Puyde sab nga mobisita sa Toledo Trojans Facebook page.

CHESSFEST

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with