CEBU, Philippines — Human ilang gibuhian si Calvin Abueva, ang Phoenix Super LPG mihimo dayon og lakang aron makuha si Vic Manuel gikan sa Alaska Aces pinaagi sa trade.
Makuha sa Aces si Brian Heruela sa umaabot nga first round pick sa Phoenix sa 2021 Rookie Draft.
Gawas ni Manuel, ang Fuel Masters makabaton sab sa first (no. 7) ug second round picks sa Aces sa umaabot nga draft karong Marso 14.
Ang binayloay og magduduwa tali sa duha ka teams aprubado na sa trade committee sa liga.
Sumala pa ni Alaska head coach Jeffrey Cariaso, si Heruela walay apil sa orihinal nga tanyag, apan ang trade committee nihangyo nga ipuno kini sa maong sabot-sabot.
Ang kontrata ni Manuel sa Alaska napupos niadtong Disyembre 31 ug sa pagka Enero mipahibalo kini nga gusto siyang magpa-trade sa laing koponan.