CEBU, Philippines — Gisibog sa NBA ang duwa tali sa Boston Celtics ug Miami Heat kagahapon may kalabotan sa Covid-19 health and safety protocols.
Kini gumikan kay ang Miami gibinlan lang og laing menos walo ka players nga magamit tungod sa nagpadayong contact tracing.
"Because of ongoing contact tracing with the Heat, the team does not have the league-required eight available players to proceed with tonight's game against the Celtics," sumala pa sa NBA.
Ang guwardiya sa Miami nga si Avery Bradley nabutang sa health and safety protocols ug walay labot alang sa maong duwa kagahapon.
Ang Celtics gitakda unga nga moduwa uban ang walo ka players human ang siyam niini wala paduwaa, lakip ang pito tungod sa health and safety protocols sa NBA.
Ang Athletic website mitaho, usa ka magduduwa sa Heat ang nabalik sa inconclusive Covid-19 test.
Sa gipahigayong contact tracing sa NBA, daghan ang mga magduduwa ang giingong na-exposed nga nakaaghat sa liga pag-uswag sa duwa.
Kini ang ikaduhang duwa sa NBA karon nga season nga giuswag tungod sa coronavirus safety protocols.
Ang duwa tali sa Houston Rockets ug Oklahoma City Thunder gisibog niadtong Disyembre 23 tungod kay ang Rockets walay eligible players aron moduwa, tulo ang nabalik sa tests, positive o inconclusive sa Covid-19, laing upat gikuwarantin, si James Hardens wala tugti nga makaduwa kay nakalapas sa protocols ug ang laing magduduwa wala kaduwa tungod sa injury.
Ang Rockets gibinlan lang og pito ka players.