CEBU, Philippines — Sa tinguha nga dasigon ang mga kabatan-onan ug mga atleta nga magpabiling aktibo pinaagi sa paugnat sa kusog taliwala ning pandemiya, pormal nga gilusad sa Milo ang ilang online sports program nga ilang ginganlan og "Home Court".
"We are launching this project because we aim to empower the parents to continue their children's champion journeys even when at home," matud pa ni Nestle Philippines-Milo assistant vice president Lester P. Castillo atol sa Home Court virtual press conference kagahapon pinaagi sa Zoom.
Mga dinapit sa maong online presscon mao sila si Philippine Sports Commissioner Ramon Fernandez ug Cebuana Olympic marathoner Mary Joy Tabal, nga usa sab ka SEA Games gold medallist ug record-holder uban sa unom niini ka sagunson nga titulo sa National Milo Marathon.
Mipasabot si Castillo nga ilang programa naglangkob og duha ka bahin, ang instructional videos nga makita sa YouTube ug interactive sports clinics online.
Sa kasamtangan, siyam ka sports ang gitanyag sa ilang proyekto nga naglangkob sa arnis, badminton, basketball, football, gymnastics, volleyball, taekwondo ug tennis.
"We hope top reach every household for our sports programs," dugang pa ni Castillo dayong butyag sa ilang plano nga makig-alyansa sa Department of Education (DepEd) ug nagkadaiyang mga LGUs (local government units) aron makadani sila og mas daghan pang mga bata nga mohangop sa dalaygon nilang programa. Mismo sila si Fernandez ug Tabal ang nakadayeg sa gibuhat sa Milo Sports.
"It is important to stay active in this time of pandemic. Being healthy is one way of staying away and not getting ifected of the virus. I hope that this program will motivate and inspire more youth to stay in sports," sumala pa ni Fernandez nga nakig-partner sa Milo kabahin sa coaching certification program online sa PSC.
Susama sab ang sentimento ni Tabal. "Staying active is very important especially in these troubled times. This is a big help not only for the kids but even to my fellow athletes. We are given the opportunity to inspire and motivate the kids to do some activities despite staying at home," matud pa ni Tabal.