CEBU, Philippines — Sud sa tulo ka dekada niyang pag-coach sa PBA, daghan na kaayong mga banggiitang basketbolista nga nahulma sa labing unang propesyonal nga liga sa Asya ang nag-agi sa mga kamot ni Yeng Guiao.
Apan nilang tanan, pipila lamang ang misidlak nga labing hayag sa iyang mga mata.
Apil na niini sila si Vergel Meneses, Nelson Asaytono, Paul Lee ug Keifer Ravena.
"Siguro si Vergel (Meneses). He is very talented," matud pa sa kasamtangang head coach sa NLEX Road Warriors segun sa taho sa PBA.ph.
"You just give him the ball, and not settle for any plays. He'll make you look good," dugang pa ni Guiao kabahin sa "The Aerial Voyager" nga mao karon ang mayor sa Bulakan, Bulacan.
Iya sab nga gishisgutan si Asaytono, ang bugtong 'The Bull' sa liga. "Then siguro si Nelson, and I've already said numerous times, si Willie Miller." Nalakip sab sa listahan ni Guiao ang duha ka aktibong mga players nga sila si Ravera ug Lee.
"Ngayon si Kiefer (Ravena) and then si Paul (Lee)," dason pa ni Guiao, nga nakadaog og pito ka kampiyonato sa PBA diin sila si Meneses, Asaytono, Miller, ug Lee ang iyang star players. Nilang upat, sila lamang si Meneses ug Miller ang nakasakmit og MVP award.