Abilidad ni Jalen Green mura'g si Kobe

CEBU, Philippines — Sa mga mata ni Alaska Aces head coach Jeff Cariaso, ang abilidad ni Fil-Am Jalen Green nagpahinumdum kaniya sa batan-ong Kobe Bryant.

"He reminds me of that young Kobe a litle bit, where he can do everything," matud pa ni Cariaso sigun sa taho sa Philstar.com.

Si Green, gipanglantawan nga molugwa isip No. 2 overall pick sa 2021 NBA draft, usa sa mga high school recruits sa Amerika nga gikatakdang moduwa sa usa ka pinili nga team sa mokumbati sa sunod nga NBA G League season.

Iyang makauban mao ang 7-foot-2 nga si Kai Sotto, kinsa naglaraw mamahimong labing unang Pinoy nga makaduwa sa NBA.

Gawas ni Kobe, si Cariaso nagkanayon nga ang estilo sa dinuwaan ni NBA Hall of Famer Kevin Garnett iya sab nga nakita ni Green, kansang inahan lumad gikan sa Ilocos Sur.

"I kinda see him as that young Kobe, that young Garnett, where the talent level is there and it's now about his growth, improving in every aspect," sumala pa ni Cariaso. 

Show comments