Ewing nakagawas na sa ospital
CEBU, Philippines — Nakagawas na sa ospital ang NBA Great nga si Patrick Ewing ug padayon karong nagrekober sa iyang balay human maigo sa coronavirus.
Ang 57-anyos nga Hall-of-Famer nalandig sa tambalanan sa miaging semana human mipahibawo nga nagpositibo siya sa Covid-19.
Apan ang iyang anak nga si Patrick Jr. misuwat sa Twitter nga maayo na karon ang kondisyon sa kanhi New York Knicks superstar ug kasamtangang coach sa Georgetown University.
"My father is now home and getting better. We'll continue to watch his symptoms and follow the CDC guidelines. I hope everyone continues to stay safe and protect yourselves and your loved ones," matud pa sa batan-on nga Ewing.
Si Ewing sakop sa US Dream Team nga nakadaog og gold medal sa 1992 Olympics. Naka-gold sab siya sa 1984 Olympics. Nakaduwa siya sud sa 17 ka seasons sa NBA, sagad niini sa Knicks diin siya nahimong sakop sa All-Star 11 ka higayon.
- Latest
