CEBU, Philippines — Human niya hatdi og bulawan ang nasud sa Southeast Asian Games, ang Pinoy pole vaulter nga si EJ Obiena daling milarga paingun sa nasud sa Italya aron mupahigayon og ensayo pangandam sa mas dakong hagit nga mao ang 2020 Tokyo Olympics.
Ang 24-anyos nga si Obiena, kinsa mirehistro og bag-ong SEA Games record human gilayat ang 5.45 meter, gusto nga patas-an pa ang iyang performance ilabi na nga tungason ang dalan paingun sa iyang damgo nga makahatag og Olympic medal sa nasud sa Olympics.
Si Obiena mipaubos usab sa ensayo sa Ukrainian coach nga si Vitaly Petrov kinsa nalipay sa gold sa iyang batos, apan gusto niini nga musaka pa ang layat ni Obiena.
“I’m excited to compete in the Olympics for the first time,” matud ni Obiena sa The Philippine STAR. “I know I’ve got to put in the work and there’s a lot to be done in getting ready. It’s back to ‘foundation’ training.
I’ll join the World Athletics Indoor Championships in Nanjing, China in March.”