CEBU, Philippines – Gisuspenso si Cleveland Cavaliers guard Kevin Porter Jr. og usa ka duwa nga walay bayad sa NBA gumikan sa dili makiangayon niining binuhatan sa tinuyo niining pagbangga sa usa ka reperi.
Ang insidente nahitabo human sa ikatulong kuwarter atol sa 131-111 nga kadaogan sa Dallas Mavericks didto Cleveland.
Kaduha pa lamang makadaog ang Cavaliers sud sa unom ka duwa, samtang ang Mavericks nagkupot og 4-2 nga baraha.
Gumikan sa silot nga gipahamtang kaniya, si Porter dili makaduwa sa ilang home game batok sa Boston Celtics karong adlawa.
Ang 19-anyos nga si Porter maoy ika-30 ug katapusang pick sa first round sa Milwaukee Bucks sa miaging NBA Draft, apan gi-trade siya niini ngadto sa Cleveland agi sa Detroit Pistons.