CEBU, Philippines – Giklaro ni Pinoy boxing champion Jerwin Ancajas nga wala siya'y bisan gamay nga interes sa pakigsangka ni Donnie Nietes.
Si Ancajas nga naghari sa IBF flyweight mohimo sa katapusan niyang title defense batok ni Japanese fighter Ryuichi Funai sa Mayo 4 didto sa California.
Maningkamot si Ancajas nga mohimo og impresibong daog sa katapusan niyang away sa 112 lbs. division sa dili pa siya mosaka sa super flyweight diin usa si Nietes sa mga kampiyon pinaagi sa iyang WBO belt.
Sila si Nietes ug Ancajas nag-abot atol sa 19th Banquet of Champions nga naila sab nga Elorde Awards.
Didto gipakita sa duha ang dakong respeto sa usa'g-usa ug giklaro nga dili mahitabo nga magsangka sila.
Ang ALA Boxing champion nga si Nietes una na usab nga miingon nga dili siya gusto nga makigsangka og Pinoy timaan niini ang pagbasura niya sa 'rematch' batok ni Ashton Palicte.