CEBU, Philippines — Giimbestigahan karon si Dallas Mavericks forward Kristaps Porzingis didto sa New York human kini giakusahan nga nang-rape og usa ka babaye sa miaging tuig.
Matud pa sa usa ka kasaligang tinubdan nga wala nganli sa New York Post, nga ang maong babaye mitug-an sa kapolisan karong lang semanaha kabahin sa nahitabong pagpanglugos niadto pang Pebrero 2018 nga wala dayon niya gipahibawo ang iyang nadangatan sa sayong panahon kay nakadawat man siya og $68,000 (P3.5 million) gikan ni Porzingis aron dili mosaba.
Basi sa asoy sa babaye nga iyang silingan si Porzingis nga miimbitar kaniya sa apartment niini niadtong Pebrero 7, 2018. Sa iyang pagsulod sa balay ni Porzingis, gikuptan siya dayong 'rape' kaniya.
Matud pa sa The Post nga ang maong babaye katohoan bisan naabot pa kini og kapin 13 ka bulan aron itaho ang maong insidente.
Sa iyang bahin, ang abogado ni Porzingis nga si Roland Riopelle miisyu og pamahayag sa ESPN aron ihimakak ang akusasyon batok sa iyang kliyente.
Ang 23-anyos nga si Porzingis, gi-trade sa Knicks ngadto sa Mavericks niadtong Enero 31 ning tuiga, apan hangtod karon wala pa makaduwa kay nagpa-alim pa sa injury sa iyang tuhod.
Ang tag-iya sa Mavs nga si Mark Cuban nagkanayon nga nasayod sila sa akusayon batok sa ilang sentro.