CEBU, Philippines – Kapin sa P100,000 nga ganting salapi ang iapud-apud sa mga mananaog sa 7th Bogo City Duathlon Trail Challenge nga gikatakda karong Mayo 19.
Mga kategoriya nga banatan ning makutas nga karera mao ang men’s elite, women’s open, ug 29-below, 30-39 ug 40-above age groups.
Duna say relay event diin ang matag team langkoban og duha o tulo ka mga miyembro.
Ang mga entrante sa elite division magkumbati sud sa 10 ka kilometro nga dagan, 40km bike ug motapos sa laing 6km run. Ang ubang kategoriya naglangkob og 6km run, 20km bike, ug 4km run.
Ang top 5 finishers lamang ang makadawat og ganting salapi samtang ang maapil sa top 10 sab-itan og medalya.
Ang rehistrasyon nagkantidad og P1,000 sa elite ug P800 sa ubang mga kategoriya. Ang nag-unang 200 nga magpalista makadawat og singlet.
Ang entry forms puydeng makuha sa Olive’s Bike Parts sa Gairan, Bogo City.