CEBU, Philippines — Ang NBA midugang nilang Dirk Nowitzki sa Dallas Mavericks ug Dwyane Wade sa Miami Heat sa listahan sa mga players mga mopakita'g aksiyon sa NBA All-Star Games karong Pebrero 17 didto sa Charlotte, North Carolina.
"Dirk Nowitzki and Dwyane Wade embody the best of the NBA: remarkable skill, drive and professionalism as well as a deep devotion to strengthening their communities and growing the game around the world," matud pa ni NBA commissioner Adam Silver. "As a global celebration of basketball, our All-Star Game is an ideal setting to salute these first-class NBA champions and Finals MVPs."
Mao kini ang ika-13 nga higayon ni Wade sa All-Star ug ika-124 nga higayon ni Nowitzki.
Isip usa sa mga team captains, si LeBron James sa Los Angeles Lakers maoy magbuot kun asa nga koponan moduwa sila si Wade ug Nowitzki.
Klaro na hinuon kaayo kinsa ang pilion ni James kay suod man niyang higala ug kanhi teammate si Wade diin sila nakalangkat og duha ka korona sa dihang nag-uban pa sila sa Heat.
Sa laing bahin, gipahibalo ni Silver nga si D'Angelo Russell sa Brooklyn Nets mopakita og aksiyon sa All-Star Game sa labing unang higayon.
Siya maoy mohulip sa dapit sa na-injured nga si Victor Oladipo sa Indiana Pacers.