CEBU, Philippines — Padayun ang demalas sa Cleveland Cavaliers tungod kay gawas nga 0-6 na sila sa season, naglisud usab pagduwa ang nahibilin nilang All-Star nga si Kevin Love tungod sa pagsakit sa tiil niini.
Si Cavs coach Tyronn Lue miangkon nga naglisud pa sila og adjust sukad nga nawala si superstar LeBron James, apan naningkamot sila sa matag duwa.
Si Love nag-average og 19 points sa sayung bahin sa season, apan dili kini igo aron baswaton ang koponan nga kuwang sa mga sinaligan. Bugtong nakatampo sa opensa sa Cavs mao sila si Fil-American Jordan Clarkson, Kyle Korver ug rookie Collin Sexton.
Tungod kay naglisud pagduwa, ang Cavs napugus pagamit sa veteran nga si Channing Frye ug di kaayo ilado nga si Sam Dekker isip starting point guard. (BANAT NEWS)