CEBU, Philippines — Ikalimang sunodsunod nga daog maoy tumong sa Blackwater Elite sa duwa nila batok sa NLEX Road Warriors sa 2018 PBA Governors Cup karong adlawa didto sa Araneta Coliseum.
Ang duwa sugdan sa alas-4:30 sa hapon.
Ang Blackwater walay hunong sa pagsurpresa sa liga diin tulo na ka mga lig-ong contender ilang gibihag nga naglakip sa San Miguel Beermen, TNT KaTropa ug labing uwahi ang defending champion Barangay Ginebra.
Kompiyansa si Elite coach Bong Ramos nga modaog bisan pa og mobalik na sa pader sa Road Warriors si Yeng Guiao human sa kampanya sa Team Pilipinas sa Asian Games.
Andam na sab hinuon ang Road Warriors nga mosanta sa mga pambato sa Elite nga sila si national team forward JP Erram, Mac Belo, Mike DiGregorio ug import Henry Walker.
Sa main game sa alas-7 sa gabii, Magnolia Hotshots ug Rain or Shine Elasto Painters parehong nagtinguha nga mamawi gikan sa ilang kapildihan batok sa tagsatagsa nila nga mga kaatbang.