CEBU, Philippines — Mihipos na sab og laing korona ang Humble dihang ilang gipahubsan ang Seaside, 57-49 sa kulbahinam nga championships game sa San Agustine Cup 2018 niadtong Biyernes didto sa Simborio hardcourt sa Tayud, Lilo-an.
Ang Seaside maoy nidominar sa halos tibuok duwa, apan nausab ang dagan sa duwa sa nahibiling singko minutos dihang ang Humble milusad og 'trapping defense' hangtod nga nailog ang labaw dayon na ngadto paglangkat sa korona.
Si Arniel Togeno maoy nangulo sa Humble nga miburak og 14 puntos nga igo na kaayo alang kaniya aron ilhong most valuable player. Awtomatik sab siya nadala sa Mythical Five uban sa iyang teammate nga si
Gablot Berame, Ronald Pepito ug Michael Rojo sa Seaside ug Niño Servande sa Sniper.
Sila si Gablot Berame ug team manager Mark Louie Pepito mitampo'g 12 puntos matag usa alang sa Humble.
Ang Seaside gipangulohan nilang Michael Rojo ug Ronald Pepito nga nagkumboya'g 22 puntos.
Sa pasiunang duwa, ang Sniper mitipi sa Chichay Chicharon, 74-66 aron pagsakmit sa ikatulong puwesto.
Si John Menchavez mipaarak og 30 puntos aron mangu sa scoring sa Sniper, samtang si Balondong Icot mipabuto og 22 puntos ug si Niño Servande mitira og 14 puntos sa kadaogan.
Tulo sab ka players sa Chichay Chicharon ang miiskor og double figures pinangulohan ni Terio Mendoza nga mikadlit og 21 puntos, sila si Ismael Arocha ug Michael Cortes miabuno'g 14 ug 13 puntos matag usa.
Ang liga nga ubos sa superbisyon nilang Arnel 'Cdu' Pepito ug Ondo Muñez sa abag nilang Choy
Pilapil ug Noli Velez, gipaluyohan nilang Kagawad Cedie Cabahug uban nilang Alfie Pepito, Gedion Cuyos ug Ricky Frias.
PUNTOS MATAG USA
Unang duwa:
SNIPER (74) – Menchavez 30, Icot 22, Servande 14, Judaya 7, Molo 4, Mercader 2.
CHICHAY (66) – Mendoza 21, Arocha 14, Cortes 13, Arman 6, A. Pepito 5, Sayta 4, R. Pepito 4,
Caparroso 2.
Ikaduhang duwa:
HUMBLE (57) – Togeno 14, Berame 12, L. Pepito 12, Auman 7, Sison 4, T. Berame 4, Ardee 2,
Ursal 2.
SEASIDE (49) – Rojo 12, R. Pepito 10, Rico 6, Corporal 5, Pepito 5, Arocha 5, Juntilla 4, K. Rojo 2.