Gary Rojas Friendship Cup sugod na
CEBU, Philippines – Pormal na nga sugdan ang 1st Gary Rojas Friendship Cup karong adlawa diha sa Royale Cebu Estate gym sa Poblacion Occidental, Consolacion.
Napulo ka teams ang mopakita'g aksiyon ning maong liga nga duwaon matag adlaw'ng Sabado.
Gibuak kini ngadto sa duha ka bracket.
Ang mga koponan nga mosalmot uban sa ilang team manager mao ang Delfingen ni Larry Malagar, Black Balls ni Pascual Congson, Rylie ni Gary Rojas, Black Jack ni Cesar Bragas ug ang MOSP alang sa bracket A.
Samtang sa bracket B mao ang Geobert Merchandise ni Nonoy Sajot, Gilas Sunday Club ni Vinjosh Jugan, Teradyne ni Francis Torralba, Bugkot USP ni Daru Burlaos ug DepEd.
Matag bracket moduwa og single round robin format. Ang top 2 teams matag bracket moabante sa crossover semifinals diin ang no. 1 team makaangkon og 'twice-to-beat' advantage.
Ang liga nga ubos sa superbisyon ni Pob. Occidental councilor Gary Rojas, pagadumalaon ni commissioner Virgilio Pepino ug assistant niining si Lamay Burlaos sa abag nilang Shernil Patalinghug, Kezzer Rosalejos, Jonathan Rosalejos, Lester Sanchez, Barry Sanchez ug Michael Tobias.
Gipaluyohan sab kini ni Pob. Occidental Barangay Captain Culie Aligno, SK chairman Cassey Maglasang, SK councilor Mike Kevin Maglasang ug Barangay Councilor Jun 'Pafom' Pepito.
- Latest
