CEBU, Philippines – Kanhi Philadelphia Sixers cager nga si Arnett Moultrie, moduwa na karon isip bag-ong import sa NLEX Road Warriors sa nagpadayong PBA Commissioner’s Cup.
Ang 6-foot-10 nga si Moultrie maoy mohulip ni Adrian Forbes, kinsa giilisan kay pakyas paghatag og daog sa unang duwa sa NLEX batok sa Columbian Dyip niadtong Sabado.
Masukod ang abilidad ni Moultrie dihang sangkaon sa NLEX ang wa’y pildeng Rain or Shine Elasto Painters sa alas-7 sa gabii human sa duwa sa GlobalPort Batang Pier ug sa Blackwater Elite.
“Moultrie is a big man who can post up, step out and shoot a jump shot, can run the floor in transition, and is a very decent rebounder. So that skill set is really what we needed to enhance our success,” matud pa ni NLEX coach Yeng Guiao sa Spin.ph.
Si Moultrie nahimong bench player sa Sixers sud sa duha ka season diin mi-average siya og 3.1 points ug 3.6 rebounds.