Beermen gisaaran ni Standhardinger
CEBU, Philippines — Mipasalig si Fil-German standout Christian Standhardinger nga mutampo og daku alang sa katumanan sa laraw sa San Miguel Beermen nga makompleto ang ilang damgo nga 'Grand Slam' title karon nga season.
Si Standhardinger midayeg sa iyang koponan nga San Miguel nga misakmit na sa All-Filipino Cup ug gusto niya nga usa siya sa mga makatabang sa pagkampiyon pa unya sa koponan sa nahibiling duha ka conferences karon nga season nga mao ang Commissioner's ug Governors' Cup.
“My job is to really see what I can do, what I can personally do, to try make this great team a little bit better,” matud pa niya sa Spin.ph. “I will try to do that, and we will see what happens, and I hope that we win two more championships this year.”
Si Standhardinger misalmot sa labing una niyang team practice uban ang San Miguel nga mikuha kaniya isip No.1 pick sa miaging Rookie Draft.
Bisan pa og lab-as pa sa iyang kampaniya sa ABL uban sa Hong Kong Eastern Lions, ang Gilas Pilipinas bigman nagkanayon nga wala siya batia og kapoy tungod usab sa iyang kahinam nga makauban na sa ensayo iyang mga teammates sa Beermen.
Si Standhardinger giatangan nga mohimo sa iyang PBA debut sunod semana. (BANAT NEWS)
- Latest
