Barangay Ginebra mikuha ni Shane Edwards isip replacement import

CEBU, Philippines — Samtang niduwa pa sa Alab Pilipinas si Justin Brownlee, ang Barangay Ginebra Kings mikuha og replacement import nga  si Shane Edwards alang sa PBA Commissioner’s Cup  nga  sugdan  sa  Abril 21.

Si Ginebra coach Tim Cone nagkanayon nga makahasol kanila ang pag-ilis-ilis og import, apan si Brownlee gihapon ang ilang gusto ug andam silang maghuwat niini. Ang pagduwa ni Brownlee uban sa Gin Kings nagdepende sa mamahimong kampanya sa Alab sa playoffs sa ABL.

Dako hinuon og salig si Cone ni Edwards nga makatabang kini sa sayong bahin sa ilang kampanya sa Commissioner’s Cup tungod kay usa na kini ka veteran import nga miduwa niadtong 2016 uban sa Alaska. Ang kanhi Cleveland Cavaliers player mi-average   og  22.11 points  ug 11.8 rebounds uban sa Alaska sa maong tuig.

Show comments