CEBU, Philippines — Miangkon si San Miguel Beermen star Junemar Fajardo nga kinahanglan nila nga makakuha og igong pahuway pangandam sa laing finals series diin may kahigayunan sila nga masakmit ang ikaupat nilang sunod-sunod nga PBA Philippine Cup title.
Bisan pa og gitapos nila ang Barangay Ginebra Kings, 4-1, niadtong Sabado, si Fajardo miingon nga dili sayun ang ilang giagian sa semis diin daghan sila nga nakuhang angol ug nangaluya sila tungod sa grabeng kumbati.
"Malaking bagay yung pahinga sa amin," matud pa ni Fajardo sa PBA.com. "Hindi naman ganung kadali yung series namin against Ginebra, nakakapagod. Kailangan gamitin ng maayos ang pahinga namin at makapag-praktis ng maayos para maging ready yung katawan namin."
Ang San Miguel makigsangka sa mudaog tali sa semifinals series tali sa Magnolia Hotshots ug NLEX Road Warriors.
Dominante ang ilang gipakita sa conference diin sila ang nahimong No.1 sa elimination, apan ang reigning MVP nga si Fajardo miangkon nga kanunay sila nga naglisud rasun nga gilauman nila ang laing hugot nga serye kun kinsa man gani ilang sangkaon tali sa Hotshots o Road Warriors.
Ang Beermen coach nga si Leo Austria misanung sa gisulti ni Fajardo diin gusto niya nga makapahuway ug makarekober ang iyang mga players ilabi na sa mga adunay gihambin nga injuries sama nila ni Alex Cabagnot ug Chris Ross. (BANAT NEWS)