CEBU, Philippines — Mikaylap karon ang hungihong nga hingpit na nagbuwag og dalan si Pinoy boxing icon ug sa Hall-of-Famer trainer niini nga si Freddie Roach.
May nagduda usab nga dili na makita sa corner ni Pacquiao ang American coach kay wala gyud mahisguti si Roach atol sa iyang pag-anunsiyo sa sangka niini ni Argentinian Lucas Matthysse kagahapon.
Imbes si Roach, ginganlan ni Pacquiao sa iyang official statement si Buboy Fernandez nga maoy iyang trainer sa umaabot niyang sangka ni Matthysse sa Hunyo didto sa Malaysia.
Si Roach nahimong trainer ni Pacquiao sukad niadtong tuig 2001 diin nakuha sa Pinoy boxing icon ang IBF super bantamweight title human gipaluhod si Lehlo Ledwaba sa una niyang away didto sa US.
Giingon nga miaksyon og kaaslom ang relasyon sa duha human sa kapildihan ni Pacquiao sa mga kamot ni Australian Jeff Horn niadtong Hulyo 2 sa miaging tuig diin nawala sa mga kamot ni Pacquiao ang WBO welterweight title.
Si Roach una na usab nga namahayag nga wala na sila’y komunikasyon ni Pacquiao sukad sa maong away.