CEBU, Philippines - Sama sa ilang gilauman, nakasugat gyud og lisud nga duwa ang Gilas Pilipinas sa una nilang aksiyon sa Southeast Asian Games, apan bisan pa niini midaog gihapon sila batok sa Thailand, 81-74 sa miaging gabii didto sa Malaysia.
Ang Thailand gitan-aw nga usa sa mga koponan nga adunay katakus nga makig-atbang sa Gilas, apan gipakita sa Pilipinas nga sila gihapon ang hari sa Southeast Asia.
Nangulo sa Gilas si Troy Rosario nga adunay 16 puntos, samtang sila si Fil German Chris Standhardinger ug Parks mitampo og 15 ug 14 puntos matag usa. (BANAT NEWS)