CEBU, Philippines - Walay kukaluoy nga gidemolis sa D’ Rabens ang Mariane Bakeshop, 65-40 alang sa ilang ikatulong daog sa Inter-Christian Basketball League (ICBL) Season 3 niadtong Domingo didto sa San Vicente gym sa Yati, Lilo-an.
Gipangulohan ang kadaugan ni Dandan Labata pinaagi sa iyang 15 puntos, samtang sila si Jason Sagrado ug Arnold John Armecin nagkumboya’g 22 puntos sa D’ Rabens nga nagbitbit na karon og 3-1 nga baraha, samtang ang Mariane Bakeshop ni Mesael Mercadal adunay 1-2 win-loss record.
Pagsugod pa lang, mibanat dayon ang mga batos ni Ruben ‘Raben’ Nelmida aron pagposte og makabungog nga labaw sa halftime, 32-15. Namintinar nila ang double digits nga labaw hangtod nahuman.
Sa laing aksiyon, ang CHBC ni Pastor Lemuel Morata nakaipsot sa ligas kaayo nga duwa batok sa Gideons, 35-33 sa low-scoring ballgame.
Sila si Rayner Mariquit ug Josephus Abatayo maoy nagdala og bida sa kadaugan human sila nagkumboya’g otso puntos sa nahipos nga nuybe puntos sa CHBC sa fourth period. Si Mariquit miiskor og 13 puntos, samtang si Abatayo adunay siyete puntos.
Ang Gideons ni Pastor Rolando Espinosa nangiwit sa standing sa ilang 0-3 record.
Sa lain pang duwa, ang Regeneration ni Gamaliel Ermac mikulit sa ikatulo nilang daog pinaagi sa paglubong sa Reunited ni Kenneth Sibonga, 67-51.
Ang mga duwa gipadagan ni league commissioner Ernie Sibonga.
Puntos matag usa
Unang duwa:
D’ Rabens (65) – Labata 15, Sagrado 12, Armecin 10, Armecin 5, Lumaad 5, Bedas 4, Achumbre 4, Armecin 4, Raben 4, Arnoza 3, Lutao 2.
Mariane Bakeshop (40) – Estrera 9, Bergado 7, Barriga 5, K. Genarez 3, Jarice 3, P. Miztula 3, Genarez 2, N. Genarez 2, Miztula 2, Baguio 2, R. Genarez 2.
Ikaduhang duwa:
Regeneration (67) – Gonzales 19, Ageas 16, Suson 13, Ajerbo 7, Magale 6, Reuyan 2, Cantos 2, Ermac 2.
Reunited (51) – Gungob 17, Bilocura 11, Almonia 7, Singson 6, Lagare 5, Icot 4, Denden 2.
Ikatulong duwa:
CHBC (35) – Mariquit 13, Abatayo 7, Tabigue 4, Lomosbog 2, Isabela 2, Pelen 2, Monato 2, Soreño 2, Mondares 1.
Gideons (33) – Faith, Zorbito 6, Enriquez 6, De Guzman 4, Teves 4, Jay-R 3, Bhos 2, Magsumbol 1. (BANAT NEWS)