CEBU, Philippines - Ang Gabela Balloons ug Sweet’s To Go maoy mag-abot sa kampiyonato sa Vendredi Basketball Club Valentine’s Cup 2017 human midaog batok sa tagsa-tagsa nila ka kaatbang niadtong Lunes sa gabii didto sa Garden Bloom division open court sa Pitogo, Consolacion.
Ang Gabela mipalagpot sa Laura’s Store sa iskor nga 74-70, samtang ang Sweet’s To Go milubong sa TFC Subscriber, 74-60.
Si Virgilio Pepino maoy topscorer sa Gabela nga mikadlit og 15 puntos, gisundan ni Kian Brenz Sinadjan nga adunay 15 puntos. Sila si Kerwin Perez, Joel Pitogo ug Joel Brigoli nakahimo sab og double figures performance sa Gabela nga nahulga sa rally sa Laura’s Store sa pagpangulo ni Noel Almonicar Maglasang, kinsa mikadlit og 26 puntos.
Laing nakaiskor og double digits sa Laura’s Store mao sila si Stephen Thom Sanchez ug Magen Dave Tibon Pernito nga nagkumboya’g 29 puntos.
Sa iyang bahin, sila si Arnold Abrasado ug Yanskee Capao mipabuhagay og 24 puntos matag usa alang sa Sweet’s To Go, samtang si Pascual Congson III nga adunay 10 puntos.
Ang TFC Subscriber gipangulohan ni Serge Sanchez nga mikamada og 17 puntos, gisundan ni Kevin Sanchez sa iyang 16 puntos. Si Marc Gold mipugnit og 15 puntos, samtang si Fred Ermac miamot og 10 puntos.
Ang liga nga ubos sa pagtugot sa presidente niining si Gary Rojas, gipadagan ni commissioner Magen Dave Pernito ug Archie Abrasado.
Puntos matag usa
Unang duwa:
GABELA (74) – V. Pepino 18, Sinadjan 15, Perez 12, Pitogo 11, Brigoli 10, Demecillo 6, Ares 2.
LAURA’S Store (70) – Maglasang 26, Sanchez 18, Pernito11, Limbo 8, Saitama 7.
Ikaduhang duwa:
SWEET’S TO GO (74) – A. Abrasado 24, Y. Capao 24, Congson 10, A. Abrasado 8, Guanga 8.
TFC SUBSCRIBER (61) – S. Sanchez 17, K. Sanchez 16, Gold 15, Ermac 10, JK Sanchez 7, Maglasang 4, L. Sanchez 2. (BANAT NEWS)